दागिने व चांदी जप्त
marathinews24.com
पुणे – घरफोड्या करणाऱ्या दोन चोरट्यांनी काळेपडळ पोलिसांनी सापळा रचून अटक केली. त्यांच्याकडून सोन्या-चांदिचे दागिने व मोबाईल असा पावणे तीन लाखांचा ऐवज जप्त केला आहे. कोंढवा भागातून त्यांना पकडण्यात आले. वैभव उर्फ बाब्या संजय गायकवाड तसेच प्रशांत उर्फ चिक्या भारत कसबे (रा. साठेनगर, तरवडे वस्ती) अशी अटक केलेल्या दोघांची नावे आहेत. याप्रकरणी कोंढवा
पोलीस ठाण्यात गुन्हा नोंद आहे.
पैशासाठी पोलीस असल्याचा बनाव करून अपहरण – सविस्तर बातमी
शहरातील वाढत्या गुन्ह्यांना तसेच विशेषत: घरफोडी करणाऱ्या चोरट्यांना जेरबंद करण्याच्या सूचना देण्यात आल्या आहेत. यापार्श्वभूमीवर स्थानिक पोलिसांसह गुन्हे शाखेची पथके हद्दीत गस्त घालत आहेत. मंहमदवाडी परिसरातील बंद घर फोडून चोरट्यांनी ४ लाख रुपयांचा ऐवज चोरून नेला होता. यामध्ये सोन्याचे दागिने तसेच चांदीचे दागिने व रोकड चोरून नेली होती. या गुन्ह्याचा तपास करत असताना काळेपडळ ठाण्यातील अंमलदार अतुल पंधरकर व गिरीराज जगदाळे यांना बातमीदारामार्फत आरोपी वैभव व प्रशांत यांच्याबाबत माहिती मिळाली. माहितीनुसार पथकाने दोघांना कोंढवा भागातून ताब्यात घेतले. त्यांच्याकडे चौकशी केली असता त्यांनी उडवाउडवीची उत्तरे दिली. त्यांना ताब्यात घेऊन सखोल तपास केल्यानंतर त्यांनी गुन्हा केल्याचे कबूल केले. त्यांच्याकडून पोलिसांनी २ लाख ८३ हजार रूपयांचा ऐवज जप्त केला आहे. ही कारवाई वरिष्ठ निरीक्षक मानसिंग पाटील यांच्या मार्गदर्शनाखाली सहायक निरीक्षक अमित शेटे यांच्यासह पथकाने केली आहे.
