एरंडवणे भागातील घटना
marathinews24.com
पुणे – मोटारीला वाट न दिल्याने मोटार चालकाने ज्येष्ठ नागरिकाला मारहाण केल्याची घटना एरंडवणे भागात घडली. याप्रकरणी मोटार चालकाविरुद्ध गुन्हा दाखल करण्यात आला. याबाबत ज्येष्ठ नागरिकाने अलंकार पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, मोटार चालकाविरुद्ध गुन्हा दाखल करण्यात आला आहे.
‘जीममध्ये गाण्यावरुन वादातून मारहाणीची घटना – सविस्तर बातमी
पोलिसांनी दिलेल्या माहितीनुसार, तक्रारदार ६६ वर्षीय ज्येष्ठ नागरिक हे सिंहगड रस्त्यावरील सनसिटी भागात राहायला आहेत. बुधवारी (८ जुलै) रोजी दुपारी दोनच्या सुमारास ते एरंडवणे भागातील दीनानाथ मंगेशकर रुग्णालयासमोरुन निघाले होते. रुग्णालयासमोरील रस्ता अरुंद आहे. त्यावेळी मोटारीला पुढे जाण्यास जागा न मिळाल्याने मोटार चालकाने ज्येष्ठ नागरिकाशी वाद घालण्यास सुरुवात केली. मोटार चालकाला शिवीगाळ करुन मारहाण केली. मोटार चालक तेथून पसार झाला. पोलीस उपनिरीक्षक माने तपास करत आहेत.
