मोटार चालकाविरुद्ध बाणेर पोलिसांनी केला गुन्हा दाखल
marathinews24.com
पुणे – प्रवासी वाहतूक करणाऱ्या मोटार चालकाने महिलेचा विनयभंग केल्याची घटना बाणेर भागात घडली. याप्रकरणी मोटार चालकाविरुद्ध बाणेर पोलिसांनी गुन्हा दाखल केला.याबाबत एका महिलेने बाणेर पोलीस ठाण्यात फिर्याद दिली आहे. तिने दिलेल्या फिर्यादीनुसार, मोटार चालकाविरुद्ध गुन्हा दाखल करण्यात आला आहे.
मोटारीतून सोडण्याची बतावणी; तरुणाला लुटले – सविस्तर बातमी
पोलिसांनी दिलेल्या माहितीनुसार, तक्रारदार ४२ वर्षीय महिला बाणेर परिसरात राहायला आहे. त्यांनी प्रवासी वाहतूक करणाऱ्या ॲप आधारित मोटार सेवेसाठी नोंदणी केली. मोटार चालकाने महिलेला रविवारी (१ फेब्रुवारी) सकाळी पावणे नऊच्या सुमारास बाणेर परिसरात सोडले. मोटार भाड्यावरुन मोटार चालक आणि महिलेत वाद झाला. त्यानंतर महिलेशी अश्लील कृत्य करुन मोटार चालक पसार झाला. पसार झालेल्या मोटार चालकाचा पोलिसांकडून शोध घेण्यात येत आहे. पोलीस हवालदार शिरसाठ तपास करत आहेत.
