कुलूप तोडून चोरट्यांनी ७ लाख ३० हजार रुपयांचे साेन्याचे दागिने लांबविल्याची घटना
marathinews24.com
पुणे – हडपसरमधील एका सोसायटीतील सदनिकेचे कुलूप तोडून चोरट्यांनी ७ लाख ३० हजार रुपयांचे साेन्याचे दागिने लांबविल्याची घटना घडली. याप्रकरणी चोरट्यांविरुद्ध गुन्हा दाखल करण्यात आला आहे. याबाबत एका वकिलांनी हडपसर पोलीस ठाण्यात फिर्याद दिली आहे.
मोबाइल विक्री दुकानात चोरी; २० मोबाईल चोरीला – सविस्तर बातमी
पोलिसांनी दिलेल्या माहितीनुसार, तक्रारदार हे हडपसरमधील अमानाेरा पार्क या सोसायटीत राहायला आहेत. ४ जुलै रोजी तक्रारदार हे कुटुंबीयांसह बाहेर गेले होते. चोरट्यांनी सदनिकेचे कुलूप तोडले. शयनगृहातील कपाट उचकटून चोरट्यांनी सात लाख ३० हजार रुपयांचे सोन्याचे दागिने चोरुन नेल्याची घटना उघडकीस आली. त्यानंतर त्यांनी पोलिसांकडे तक्रार दिली. वरिष्ठ पोलीस निरीक्षक विश्वजीत काईंगडे यांनी घटनास्थळी भेट दिली. पोलिसांनी सोसायटीच्या आवारातील सीसीटीव्ही कॅमेऱ्यांचे चित्रीकरण तपासले असून, सहायक पोलीस निरीक्षक पाटील तपास करत आहेत.
