प्राचार्यांना धमकावून घोषणाबाजी केल्याचा आरोप
marathinews24.com
पुणे – शासकीय तंत्रनिकेतन महाविद्यालयात बेकायदेशिररित्या प्रवेश करून घोषणाबाजी, दमदाटी केल्याप्रकरणी महाराष्ट्र नवनिर्माण सेनेचे युवानेते अमित ठाकरे यांच्यासह २० ते २५ जणांविरुद्ध चतुःशृंगी पोलीस ठाण्यात गुन्हा दाखल करण्यात आला आहे. याप्रकरणी महाविद्यालयाचे प्राचार्य डॉ. राजेंद्र पाटील यांनी फिर्याद दाखल केली आहे. त्यानुसार बीएनएस ३२९ (३), १८९ (५), ४६, २२१, ३५१ (२) महाराष्ट्र पोलीस अधिनियम कलम १२० अन्वये गुन्हा दाखल केला आहे.
मनसेच्या आंदोलनानंतर उच्च व तंत्रशिक्षण मंत्र्यानी कंत्राटदाराला झापले – सविस्तर बातमी
पोलिसांनी दिलेल्या माहितीनुसार, महाविद्यालयातील अपुर्या सोयी-सुविधांमुळे मनसेचे युवा नेते अमित ठाकरे यांनी शासकीय तंत्रनिकेतन विद्यालयात जाउन प्राचार्यांना विचारणा केली होती. त्यावेळी त्यांनी महाविद्यालयात येताना प्रवेश घेतला नाही. विनापरवाना बेकायदेशीररित्या जमवून, प्राचार्यांच्या कार्यालयात प्रवेश केला. पंतप्रधान नरेंद्र मोदी यांचा फोटो काढून घेतला. तक्रारदार पाटील यांना धमकावून कार्यकर्त्यांनी परिसरात जोरजोरात घोषणा देउन गोंधळ घातला. त्यामुळे तक्रारदार पाटील यांनी संबंधिताविरूद्ध चतुःशृगी पोलीस ठाण्यात तक्रार दाखल केली आहे. याप्रकरणी पोलीस निरीक्षक जाधव तपास करीत आहेत.
शासकीय महाविद्यालयात बेकायदेशीररित्या प्रवेश करुन घोषणाबाजी करणे, दमदाटी केल्याप्रकरणी अमित ठाकरे यांच्यासह इतर २० ते २५ जणांविरुद्ध गुन्हा दाखल केला आहे. याप्रकरणी त्यांना चौकशीसाठी बोलवण्यात येणार आहे.
चिलुमूला रजनीकांत, पोलीस उपायुक्त
