राजर्षी छत्रपती शाहू महाराज यांच्या जयंतीनिमित्त “सामाजिक न्याय दिन” साजरा

नशा मुक्त भारत अभियानात सहभागी व्हा-समाज कल्याण आयुक्य दिपा मुधोळ-मुंडे

marathinews24.com

पुणे – लोकराजा राजर्षी छत्रपती शाहू महाराज यांच्या जयंतीनिमित्त त्यांच्या समतेच्या विचारांची जोपासना करण्यासोबतच नशा मुक्त भारत अभियानाअंतर्गत राज्यामध्ये होणाऱ्या विविध कार्यक्रमामध्ये सहभागी व्हा, आपल्या परिवारासह मित्रांनाही या अभियानात जोडण्याचे काम करावे, अभियान यशस्वी करण्याकरिता सर्व घटकांने पुढाकार घ्यावा, असे आवाहन राज्याच्या समाज कल्याण आयुक्य दिपा मुधोळ-मुंडे यांनी केले.

आषाढी वारीच्या काळात सर्व विभागाने समन्वयाने काम करावे-मुख्य कार्यकारी अधिकारी – सविस्तर बातमी

सहायक आयुक्त, समाज कल्याण आणि श्री. शाहू मंदिर महाविद्यालय, पर्वती, यांच्या संयुक्त विद्यमाने राजर्षी छत्रपती शाहू महाराज “सामाजिक न्याय दिन” नुकताच साजरा करण्यात आला. यावेळी समता दिंडी तसेच नशा मुक्त भारत अभियान अंतर्गत प्रभातफेरीचे आयोजन करण्यात आले. समता दिंडीची सुरूवात राजीव गांधी ॲकडमी ऑफ ई-लर्निंग स्कुल अँड सायन्स ज्युनिअर कॉलेज, अनुराग सोसायटी, शिवदर्शन पूरग्रस्त वसाहत, पर्वती पायथा, पुणे येथून करून अखिल भारतीय मराठा शिक्षण परिषदेचे श्री शाहू मंदीर महाविद्यालय, पर्वती पायथा, पुणे राजर्षी छत्रपती शाहू महाराज यांच्या प्रतिमेस समाज कल्याण आयुक्त दीपा मुधोळ-मुंडे यांच्याहस्ते पुष्पहार अर्पण करुन समता दिंडीचा समारोप करण्यात आला. यावेळी श्रीमती मुंडे यांच्या हस्ते छत्रपती शाहू महाराज गुणवंत पुरस्कार प्राप्त विद्यार्थी-विद्यार्थीनींचा सन्मान करण्यात आला. समता दिंडीमध्ये समाज कल्याण कार्यालयातील सर्व अधिकारी व कर्मचारी वृंद, समाज कल्याण विभागातील गृहप्रमुख, शासकीय वसतिगृहातील सर्व विद्यार्थी- विद्यार्थीनी उपस्थित होते.

यावेळी सहायक आयुक्त विशाल लोंढे, जिल्हा समाज कल्याण अधिकारी डॅा.राधाकिसन देवढे, श्रीमती. सहायक आयुक्त मिना आंबाडेकर, सामाजिक न्याय राज्यमंत्री यांचे विशेष कार्य अधिकारी प्रमोद फडणीस, श्री. शाहू मंदिर महाविद्यालयाचे प्राचार्य विलास पाटील, महाराष्ट्र ज्येष्ठ नागरिक महासंघाचे अरुण रोडे, फेस्कॉम, इस्कोपचे अध्यक्ष दिलीप पवार, महर्षी कर्वे समाज कार्य महाविद्यालयाचे प्राचार्य महेश ठाकूर, संचालिका, श्री शिवाजी मराठा इन्स्टिट्यूट ऑफ मॅनेजमेंटचे प्राचार्य अनंतराव पवार कॉलेज ऑफ इंजिनिअरींगचे पदाधिकारी सर्व आजी माजी सैनिक महार रेजिमेंट आदी मान्यवर उपस्थित होते.

लोंढे यांनी संविधानाच्या प्रास्ताविकेचे सामूहिक वाचक केले. तसेच नशामुक्ती मित्र नोंदणी मोहिमेकरिता असलेल्या https://nmba.dosje.gov.in/volunteer/registration या लिंकवर अधिकाधिक नागरिक व विद्यार्थींनी नोंदणी करण्याचे आवाहन केले. तसेच श्री. देवढे यांच्यासमेवत उपस्थितांनी सामुहिकरित्या नशा मुक्तीबाबतची शपथ घेतली.

श्री शाहू मंदिर महाविद्यालय, पर्वती, अनंतराव पवार कॉलेज ऑफ इंजिनिअरिंग, पर्वती, यशवंतराव चव्हाण लॉ कॉलेज, पुणे विद्यार्थीगृहाचे कॉलेज ऑफ सायन्स अॅड कॉमर्स, पर्वती, सर परशुराम भाऊ महाविद्यालय, पुणे आप्पासाहेब जेधे कला, वाणिज्य व विज्ञान महाविद्यालय, मुक्तांगण इंग्लिश स्कूल ॲड ज्युनिअर कॉलेज, श्री शिवाजी मराठा सोसायटीचे कॉलेज ऑफ आर्किटेक्चर, श्री शिवाजी मराठा सोसायटीचे कॉलेज ऑफ इन्स्टिटयुट ऑफ मॅनेजमेंट अॅण्ड रिसर्च विद्यार्थी, कर्मचारीवृंद तसेच एन.सी.सी. तसेच एन.एस.एस.गटाचे स्वयंसेवक, समतादूत, सर्व तालुका समन्वयक, विद्यार्थी उपस्थित होते