तांबडी जाेगेश्वरी मंदिर परिसरातील घटना
marathinews24.com
पुणे – व्यवसायाच्या जागेवरुन झालेल्या वादातून टोळक्याने दाम्पत्याला बेदम मारहाण केल्याची घटना श्री तांबडी जोगेश्वरी मंदिर परिसरात घडली. याप्रकरणी विश्रामबाग पोलिसांकडून सहा जणांविरुद्ध गुन्हा दाखल करण्यात आला. मयुर हनुमंत आवळे (वय ३०, रा. धनकवडी) यांनी विश्रामबाग पोलिस ठाण्यात फिर्याद दिली आहे.
बालेवाडीत ज्येष्ठ नागरिकाची अंगठी चोरीला – सविस्तर बातमी
पोलिसांनी दिलेल्या माहितीनुसार, आवळे हे बुधवार पेठेतील श्री तांबडी जाेगेश्वरी मंदिर परिसरात आसन विक्रीचा व्यवसाय करतात. मंदिरासमोर असलेल्या मोकळ्या जागेत किरकोळ वस्तुंची विक्री करणारे व्यावसायिक पथारी मांडून व्यवसाय करतात. तेथे व्यवसाय करण्याच्या वादातून आरोपींनी शुक्रवारी (१९ सप्टेंबर) दुपारी साडेचारच्या सुमारास आवळे आणि त्यांच्या पत्नीला बांबूने मारहाण केली. मारहाणीत आवळे दाम्पत्य जखमी झाले. या घटनेची माहिती मिळताच वरिष्ठ पोलीस निरीक्षक विजयमाला पवार यांनी घटनास्थळी भेट दिली. पसार झालेल्या आरोपींचा शोघ घेण्यात येत असून, पोलीस उपनिरीक्षक नाईकवाडे तपास करत आहेत.
