मोटार चालकाविरुद्ध गुन्हा दाखल
marathinews24.com
पुणे – मोटारीच्या धडकेत पादचारी ज्येष्ठ नागरिकाचा मृत्यू झाल्याची घटना हडपसरमधील फुरसुंगी परिसरात रविवारी घडली. याप्रकरणी मोटार चालकाविरुद्ध पोलिसांनी गु्न्हा दाखल केला. गोविंद सुकाजी भालेराव (वय ७५, रा. बेंदवाडी, फुरसुंगी, हडपसर सासवड रस्ता) असे मृत्युमुखी पडलेल्या पादचाऱ्याचे नाव आहे. याप्रकरणी मोटार चालक अण्णाप्पा सिद्धराम वाघमारे (रा. फुरसुंगी, हडपसर-सासवड रस्ता) याला अटक करण्यात आली. याबाबत भालेराव यांचा नातू ओंकार (वय २६) याने फुरसुंगी पोलीस ठाण्यात फिर्याद दिली आहे.
रविवार पेठेत खरेदी करणाऱ्या महिलेचे दागिने चोरीला – सविस्तर बातमी
पोलिसांनी दिलेल्या माहितीनुसार, गोविंद भालेराव हे रविवारी (९ ऑगस्ट) सकाळी साडेसातच्या सुमारास फिरायला निघाले होते. फुरसुंगीतील बेंदवाडीतील कालव्याजवळ मोटारीने भालेराव यांना धडक दिली. अपघातात गंभीर जखमी झालेल्या भालेराव यांचा उपचारांदरम्यान मृत्यू झाला. मोटार चालक वाघमारे याला ताब्यात घेऊन अटक करण्यात आली. पोलीस उपनिरीक्षक रोहित जाधव तपास करत आहेत.
