पुणे पोलिसांकडून संबंधितांना ‘कारणे दाखवा’ नोटीस
marathinews24.com
पुणे – Ganesh Visarjan Sound Reading : शहरात गणेश विसर्जन मिरवणुकीत ध्वनिक्षेपकांच्या आवाजाची मर्यादा ओलांडणाऱ्या बेशिस्त मंडळाविरुद्ध पोलिसांनी कारवाईच्या दृष्टीने आकडेवारी संकलित केली आहे. त्यानुसार आता ध्वनी पातळी न पाळणाऱ्या संबंधित मंडळाविरुद्ध खटले, गुन्हा दाखल करण्यात येणार आहे. पुणे पोलिसांनी ‘चार बेस, चार टॉप’चा फॉर्म्युला लागू केला होता. मात्र, प्रत्यक्ष मिरवणुकीत अनेक ठिकाणी आवाजाची मर्यादा ओलांडली आहे.
पुण्यात विसर्जन घाटावर महिला पोलिसाला नारळ फेकून मारला, दातच पाडला – सविस्तर बातमी
पोलिसांनी विसर्जन मिरवणुकीदरम्यान दोन दिवसात ( दि २५ व २६ ) १ हजार २२४ गणेश मंडळांचे ध्वनिक्षेपकांचे रीडिंग घेतले असून, आता मंडळांवर कारवाईची प्रक्रिया सुरू करण्यात आली आहे. (Ganesh Visarjan Sound Reading) गणेशोत्सवापूर्वीच ध्वनि प्रदूषणावर नियंत्रण ठेवण्यासाठी मंडळांना चार बेस आणि चार टॉप स्पीकरची मर्यादा घालून दिली होती. त्याबरोबर आवाजाची पातळीही निर्धारित मर्यादेत ठेवण्याच्या सूचना दिल्या होत्या. या सोबतच प्रेशर मीड तसेच प्लाझमाला पुर्णत: बंदी असेल असे नमूद केले होते. मात्र, विसर्जन मिरवणुकीत ढोल-ताशा, डीजे आणि ध्वनिक्षेपकांचा मोठा आवाज अनेक ठिकाणी ऐकायला मिळाला.
यापार्श्वभूमीवर पोलिसांनी आवाजाच्या घेतलेल्या रीडिंगच्या आधारे आता मंडळांवर कारवाई केली जाणार आहे. पोलिस आयुक्त अमितेश कुमार यांनी परिमंडळाच्या पोलिस उपायुक्तांना कारवाईचे अधिकार दिले आहेत. ध्वनी प्रदूषण करणाऱ्या संबंधित मंडळांना कारणे दाखवा नोटीस बजावण्यास सुरुवात केली आहे. रीडिंगमध्ये निर्धारित निकषांचे उल्लंघन झाल्याचे आढळल्यास संबंधित मंडळाकडून त्याबाबत स्पष्टीकरण मागविण्यात येणार आहे. मंडळाचे म्हणणे आल्यानंतर पुढील कारवाईचा निर्णय घेतला जाणार आहे.
