कोथरुडकरांचे प्रश्न सोडवण्यास सदैव कटिबद्ध- चंद्रकांत दादा पाटील

माजी मंत्री शशिकांत सुतार यांच्याकडून चंद्रकांतदादा पाटील यांचे कौतुक

marathinews24.com

पुणे – कोथरुड मतदारसंघातील पौड रोड येथील राहुल कॅाम्पलेक्सच्या प्रॅापर्टी कार्डचे बरेच वर्षे प्रलंबित होते. त्यामुळे सोसायटीचा पूनर्विकास रखडला होता. चंद्रकांत दादा पाटील यांच्या कोथरुड मधील जनसंपर्क कार्यालयाच्या माध्यमातून राबविलेल्या मोफत कायदेशीर सल्ला कक्षच्या पाठपुराव्याने हे काम पूर्ण झाले. आज सोसायटीच्या सभासदांना त्यांचे प्रॅापर्टी कार्ड ना. पाटील यांच्या हस्ते प्रदान करण्यात आले. कोथरुडकरांचे प्रश्न सोडवण्यासाठी सदैव कटिबद्ध असल्याची ग्वाही यावेळी ना. पाटील यांनी दिली. विशेष म्हणजे, माजी मंत्री शशिकांत सुतार यांनी ही नामदार पाटील यांचे कौतुक केले.

“सणासुदीच्या काळात महिलांची सुरक्षा हीच खरी संस्कृतीची ओळख – डॉ. नीलम गोऱ्हे” – सविस्तर बातमी

यावेळी माजी मंत्री शशिकांतभाऊ सुतार, पोस्टल बॅंकेचे स्वतंत्र संचालक तथा सोसायटीचे चेअरमन विनयजी गानू, भाजपा कोथरुड मध्य मंडल अध्यक्ष निलेश कोंढाळकर, दक्षिण मंडल अध्यक्ष कुलदीप सावळेकर, भाजप पुणे शहर सरचिटणीस पुनीत जोशी, पुणे जिल्हा नियोजन समितीचे सदस्य तथा भाजप कोथरुड दक्षिण मंडलचे माजी अध्यक्ष डॉ संदीप बुटाला, उद्योजक प्रवीण बढेकर, माजी नगरसेविका ॲड. वासंती जाधव, मिताली सावळेकर, गिरीश भेलके, नवनाथ जाधव, सागर शेडगे यांच्यासह इतर मान्यवर आणि सोसायटीचे सर्व पदाधिकारी आणि सभासद उपस्थित होते.

पाटील म्हणाले की, स्वामी विवेकानंद आणि पंडित दीनदयाळ उपाध्याय यांच्या सर्व सामान्यांचे कल्याण झालं पाहिजे, या शिकवणीतून काम करत असतो. त्यातूनच कोथरुड मतदारसंघात गरजेवर आधारित उपक्रम राबवत आहे. या उपक्रमांपैकीच एक असलेल्या मोफत कायदेशीर सल्ला उपक्रमामुळे ३०० सोसायटींचे प्रश्न सोडविण्यात यश आले. राहुल कॅाम्पलेक्सचा देखील प्रश्न सोडवताना अनेकांचे सहकार्य मिळाले, त्याबद्दल सर्वांचे आभार मानतो. कोथरुड मधील नागरिकांचे प्रश्न सोडवण्यासाठी सदैव कटिबद्ध असल्याची ग्वाही यानिमित्ताने दिली. यावेळी माजी मंत्री शशिकांत सुतार यांनी ना. पाटील यांच्या कामाचे कौतुक केले. ते म्हणाले की, कोथरुड हा अतिशय झपाट्याने विकसित होतं आहे. मोठ्या प्रमाणात नागरिकरणामुळे वाहतूक कोंडीची समस्या वाढणार आहे. त्यामुळे याची वेळीच दखल घेऊन कोथरुड मधील मिसिंग लिंकचा प्रश्न हाताळत आहेत, हे अतिशय अभिनंदनीय आहे, असे कौतुकोद्गार त्यांनी यावेळी काढले.