पर्वती पोलिसांची कामगिरी
marathinews24.com
पुणे – तू गांजा विकायला इथे आला आहेस, पोलिसांना फोन करून माहिती देतो, तुला वाचायचे असल्यास ५० हजार रूपये दे असे म्हणत तरूणाची लुटमार करणार्या दोघांना पर्वती पोलिसांनी अटक केली आहे. प्रमोद अंकुश कळंबे (वय २० रा. पर्वती दर्शन) बसवराज उर्फ अभिषेक राजेंद्र पाटील (वय २० रा. जनता वसाहत, सध्या कात्रज खोपडे ) नगर अशी अटक केलेल्यांची नावे आहेत.
देशी बनावटीचे पिस्तूल बाळगणारा गुंड गजाआड – सविस्तर बातमी
पर्वती पायथा परिसरात टोळक्याने तरूणाला ६ जूनला अडवून चाकूचा धाक दाखवला. गांजा तस्कर असल्याचा आरोप करीत ५० हजारांची मागणी टोळक्याने केली. त्याच्याकडून ३ हजारांची रोकड, सोन्याची बाळी, २१ हजार रूपये गुगल पेद्वारे ऑनलाईनरित्या घेतले. याप्रकरणी गुन्हा दाखल होताच पर्वती पोलिसांनी तपासाला गती दिली. तपास अधिकारी किरण पवार हे तपास करीत असताना पोलीस अमलदार अमोल दबडे, अमित चिव्हे यांना गुन्ह्यातील आरोपींची माहिती मिळाली.
पथकाने प्रमोद कळंबे आणि बसवराज पाटील याला ताब्यात घेतले. त्यांच्याकडून गुन्ह्यातील ऐवज जप्त केला आहे. ही कामगिरी अपर आयुक्त राजेश बनसोडे, उपायुक्त मिलींद मोहिते, एसीपी धन्यकुमार गोडसे, वरिष्ठ पोलीस निरीक्षक राजेंद्र सहाणे, उपनिरीक्षक किरण पवार, प्रकाश मरगजे, महेश मंडलिक, राकेश सुर्वे, स्वप्निल घुगे, नानासो खाडे, मनोज बनसोड, सद्दाम शेख, सूर्या जाधव यांनी केली.
