विमानतळ पोलीस ठाण्यात अज्ञाताविरुद्ध गुन्हा दाखल
marathinews24.com
पुणे – पुणे आंतराष्ट्रीय विमानतळावर गुवाहाटीला जाणाऱ्या विमानातील प्रसाधनगृहात बाॅम्ब ठेवल्याची धमकी देणारी चिठ्ठी सापडली. हा प्रकार उघडकीस आल्यानंतर बाॅम्ब ठेवल्याची धमकी देणाऱ्या एकाविरुद्ध गुन्हा दाखल करण्यात आला. याबाबत विमानतळावरील अधिकारी विशालकुमार श्रीवास्तव (वय ३०) यांनी विमानतळ पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, अज्ञाताविरुद्ध गुन्हा दाखल करण्यात आला.
डोक्यात वीट पडल्याने बांधकाम मजुराचा मृत्यू – सविस्तर बातमी
पोलिसांनी दिलेल्या माहितीनुसार, पुणे आंतराष्ट्रीय विमानतळावर शुक्रवारी (२९ मे) सकाळी पावणेसातच्या सुमारास गुवाहाटीला जाणाऱ्या विमानाची नियमित तपासणी करण्यात आली. विमानातील प्रसाघनगृहाची तपासणी करण्यात आली. तेव्हा प्रसाधनगृहात एक चिठ्ठी सापडली. या चिठ्ठीवर ठळक अक्षरात बाॅम्ब असे लिहिले हाेते. त्यानंतर त्वरीत सुरक्षा यंत्रणांनी विमानाची तपासणी केली.
पोलिसांना या घटनेची माहिती देण्यात आली. तपासणीत विमानातील प्रसाघनृहात बाॅम्बसदृश वस्तू सापडली नाही. या घटनेमुळे गुवाहाटीला जाणाऱ्या विमनास काही काळ विलंब झाला. वरिष्ठ पोलीस निरीक्षक गोविंद जाधव यांनी घटनास्थळी भेट दिली. पोलीस उपनिरीक्षक गुंड तपास करत आहेत.
