विमानतळ पोलीस ठाण्यात गुन्हा दाखल
marathinews24.com
पुणे – फेरीवाल्याकडे दरमहा १५ हजार रुपये हप्ता मागून जीवे मारण्याची धमकी देणाऱ्या एकाविरुद्ध विमानतळ पोलिसांनी गुन्हा दाखल केला. या प्रकरणी शैलेश साहेबराव शिरसाट (वय ३६, रा. झंकार सोसायटी, रामवाडी, येरवडा) याच्याविरुद्ध गुन्हा दाखल करण्यात आला. याबाबत तरुणाने विमानतळ पोलीस ठाण्यात फिर्याद दिली आहे.
गुंतवणुकीच्या आमिषाने ज्येष्ठाची ९६ लाखांची फसवणूक – सविस्तर बातमी
पोलिसांनी दिलेल्या माहितीनुसार, पुणे-अहिल्यानगर रस्त्यावरील रामवाडी परिसरात तक्रारदार तरुणाने गाडी लावली होती. या भागात व्यवसाय करायचा असेल तर ३० हजार रुपये अनामत रक्कम द्यावी लागेल,तसेच दरमहा १५ हजार रुपये हप्ता द्यावे लागेल. हप्ता न दिल्यास जीवे मारु, अशी धमकी आरोपीने तरुणाला दिली. अरोपीने तरुणाला धमकावून त्याच्याकडून पाच हजार रुपये घेतले. आरोपीच्या धमकीमुळे घाबरलेल्या तरुणाने पोलिसंकडे तक्रार दिली.पोलीस उपनिरीक्षक धनंजय गाडे तपास करत आहेत.
