चोरट्यांविरुद्ध गु्न्हा दाखल
marathinews24.com
पुणे – उपाहारगृहाचे कुलूप तोडून चोरट्यांनी गल्ल्यातील रोकड, तसेच तीन मोबाइल असा ५८ हजार रुपयांचा मुद्देमाल चोरट्यांनी चोरून नेल्याची घटना कोंढवा भागात घडली. याप्रकरणी चोरट्यांविरुद्ध गु्न्हा दाखल करण्यात आला आहे. याबाबत एका उपाहारगृह चालकाने कोंढवा पोलीस ठाण्यात फिर्याद दिली आहे.
फ्लॅटमधून साडेतीन लाखांचे दाागिने चोरी – सविस्तर बातमी
पोलिसांनी दिलेल्या माहितीनुसार, तक्रारदार उपाहारगृह चालक मूळचा उत्तर प्रदेशातील आहे. कोंढव्यातील शिवनेरीनगर परिसरातील एक उपाहारगृह त्याने भाडेतत्त्वावर चालवायला घेतले आहे. शनिवारी (२ एप्रिल) पहाटे तीनच्या सुमारास चोरट्यांनी उपाहारृहाचे कुलूप तोडून आत प्रवेश केला. गल्ल्यातील रोकड, तसेच तीन मोबाइल असा मुद्देमाल चोरून चोरटे पसार झाले. उपाहारगृहाचे कुलूप तोडून रोकड, मोबाइल संच चोरी झाल्याचा प्रकार शनिवारी सकाळी उघडकीस आला. त्यानंतर त्याने पोलिसांकडे तक्रार दिली. सहायक पोलीस निरीक्षक अमित कुंभार तपास करत आहेत.
शहरात गेल्या काही महिन्यांपासून उपाहारगृह, मिठाई विक्री, ओैषध विक्री, तसेच किराणा माल दुकानांचे कुलूप तोडून रोकड चोरीला जाण्याच्या घटना वाढल्या आहेत.
