तरुणाविरुद्ध पोलिसांनी गुन्हा दाखल
marathinews24.com
पुणे – प्रेमाच्या जाळ्यात ओढून विवाहास नकार दिल्याने अल्पवयीन युवतीने गळफास घेऊन आत्महत्या केल्याची घटना सहकारनगर भागात घडली. युवतीला आत्महत्येस प्रवृत्त करणाऱ्या एका तरुणाविरुद्ध पोलिसांनी गुन्हा दाखल केला. युवतीच्या नातेवाईकांनी सहकारनगर पोलीस ठाण्यात फिर्याद दिली आहे. त्यानुसार २२ वर्षीय तरुणाविरुद्ध गुन्हा दाखल करण्यात आला आहे.
पुणे रेल्वे स्थानकातून चिमुरडीचे अपहरण, १६ तासात सुटका – सविस्तर बातमी
आरोपी तरुण मूळचा सोलापूर जिल्ह्यातील फोडशिरस गावचा रहिवासी आहे. पोेलिसांनी दिलेल्या माहितीनुसार, अल्पवयीन युवतीशी आरोपी तरुणाची ओळख झाली होती. त्याने युवतीला विवाहाचे आमिष दाखविले. तिला प्रेमाच्या जाळ्यात ओढले. युवतीने विवाहाबाबत विचारणा केली. तेव्हा त्याने नकार दिला. आरोपी तरुणाने दिलेल्या त्रासामुळे युवतीने नुकतीच राहत्या घरात गळफास घेऊन आत्महत्या केल्याचे फिर्यादीत म्हटले आहे. या प्रकरणाचा तपास सहायक पोलीस निरीक्षक सोनाली मिठारे करत आहेत.
