कोंढवा पोलीस ठाण्यात गुन्हा दाखल
marathinews24.com
पुणे – मंदिरातील दानपेटी फोडून चोरट्यांनी ५० हजार रुपयांची रोकड लांबविल्याची घटना कोंढव्यातील पिसोळी भागात घडली. या प्रकरणी चोरट्यांविरुद्ध पोलिसांनी गुन्हा दाखल केला. याबाबत एकाने कोंढवा पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, कोंढव्यातील पिसोळी भागात पुण्यधाम आश्रम आहे. तक्रारदार हे आश्रमात व्यवस्थापक आहेत. शनिवारी (२० सप्टेंबर) मध्यरात्री चोरटे आश्रमात शिरले. चोरट्यांनी आश्रमाच्या आवारात असलेल्या मंदिराच्या दानपेटीचे कुलूप तोडले. चाेरट्यांनी दानपेटीतील ५० ते ६० हजार रुपयांची रोकड लांबविली. रविवारी सकाळी दानपेटी उचकटल्याचे निदर्शनास आले. त्यानंतर या प्रकरणी पोलिसांकडे तक्रार देण्यात आली. पोलीस उपनिरीक्षक स्नेहल जाधव तपास करत आहेत.
