सिंहगड रस्ता परिसरात घडली घटना
marathinews24.com
पुणे – फ्लॅटचेचे कुलूप तोडून चोरट्यांनी सोने-चांदीचे दागिने, रोकड असा २४ लाख ३५ हजार रुपयांचा ऐवज लांबविल्याची घटना सिंहगड रस्ता परिसरात घडली.याप्रकरणी चोरट्यांविरुद्ध गुन्हा दाखल करण्यात आला. याबाबत एका महिलेने पर्वती पोलीस ठाण्यात फिर्याद दिली आहे.
गॅस देयक अद्ययावत करण्याची बतावणी करुन फसवणुकीचे प्रकार वाढले – सविस्तर बातमी
पोलिसांनी दिलेल्या माहितीनुसार, तक्रारदार महिला आणि कुटुंबीय हे सिंहगड रस्त्यावरील मधुबन सोसायटीत राहायला आहेत. १२ जून रोजी महिला आणि कुटुंबीय बाहेरगावी गेले होते. शनिवारी (१४ जून) सकाळी ते परतले. तेव्हा सदनिकेच्या दरवाज्याचे कुलूप तोडून चोरट्यांनी कपाटातील सोने-चांदीचे दागिने, रोकड असा २४ लाख ३५ हजार रुपयांचा ऐवज लांबविल्याचा प्रकार उघडकीस आला. त्यानंतर महिलेने पोलिसांकडे तक्रार दिली. वरिष्ठ पोलीस निरीक्षक राजेंद्र सहाणे यांनी घटनास्थळी भेट दिली.
पोलिसांनी सोसायटीच्या परिसरातील सीसीटीव्ही चित्रीकरण तपासले आहे. पसार झालेल्या चोरट्यांचा शोध घेण्यात येत असून, पोलीस उपनिरीक्षक किरण पवार तपास करत आहेत.
