वैद्यकीय व्यवसाय अधिनियमातंर्गत गुन्हा
marathinews24.com
पुणे – Fursungi Fake Doctor : वैद्यकीय पदवी नसताना निसर्गोपचार केंद्राच्या नावाने रुग्णांवर उपचार करणार्‍या तोतया डॉक्टरला फुरसुंगी पोलिसांनी अटक केली. शहजाद इक्बाल मोहम्मद खान उर्फ राज पटेल (वय ३४, रा. खटीक मोहल्ला, सांगोद, जि. कोटा, राजस्थान) याला अटक करण्यात आली. प्राथमिक आरोग्य अधिकारी डॉ. राजेश पाखरे (वय ४९) यांनी फुरसुंगी पोलीस ठाण्यात फिर्याद दिली आहे.
दारूच्या नशेत झाला वाद, ‘डिलिव्हरी बॉयवर कोयत्याने वार – सविस्तर बातमी
पोलिसांनी दिलेल्या माहितीनुसार, शहजाद खानने हडपसर-सासवड रस्त्यावरील इमारतीत राज पटेल नॅचरोपॅथी केअर नावाने रुग्णालय सुरू केले होते. आरोपी खान याच्याकडे वैद्यकीय पदवी नव्हती. वैद्यकीय पदवी नसताना तो उपचार करत असल्याची माहिती पुणे जिल्हा परिषदेच्या प्राथमिक आरोग्य विभागाला मिळाली. Fursungi Fake Doctor त्यानंतर याची माहिती फुरसुंगी पोलिसांना कळविण्यात आली. फुरसुंगीत एस. पी. रेसीडन्सी इमारतीतील खानच्या दवाखान्यावर कारवाई केली. त्यानंतर पोलिसांनी खानला अटक केली. त्याच्याविरुद्ध फसवणूक, तसेच महाराष्ट्र वैद्यकीय व्यवसाय अधिनियम १९६१ चे कलम ३३, ३३ (अ)अन्वये गुहा दाखल केला आहे. पोलीस उपनिरीक्षक शंभूराज जाधव तपास करत आहेत.
