गणेश पेठेतील घटना; एकाविरुद्ध गुन्हा
marathinews24.com
पुणे – मिरवणुकीनंतर झालेल्या किरकोळ वादातून तरुणाला भात वाढणीने मारहाण करण्यात आली. Ganesh Peth Assault Case भात वाढणी डोक्यात घातल्याने गंभीर जखमी झाला. गणेश पेठेतील बुरुड आळीत ही घटना घडली. या प्रकरणी फरासखाना पोलिसांनी एका विरुद्ध गुन्हा दाखल केला.
पुण्यात बिग बॉस’ फेम रीलस्टार दिव्या शिंदेचा साथीदारांसह राडा – सविस्तर बातमी
विनायक घोरपडे असे जखमी झालेल्याचे नाव आहे. या प्रकरणी अक्षय हादगे (वय २५, रा. बुरुड आळी, गणेश पेठ) याच्याविरुद्ध गुन्हा दाखल करण्यात आला. याबाबत अविनाश दत्तात्रय येनपुरे (वय ४५, रा. भाग्यश्री अपार्टमेंट जीवनधारानगर, धनकवडी) यांनी फरासखाना पोलीस ठाण्यात फिर्याद दिली आहे.
Ganesh Peth Assault Case : पोलिसांनी दिलेल्या माहितीनुसार, विसर्जन मिरवणुकीनिमित्त घोरपडे हे त्यांचे मित्र विनायक घोरपडे यांच्याकडे आले होते. बुरूड आळीतील एका मंडळाच्या एका मिरवणुकीत ते सहभागी झाले होते. मिरवणुकीनंतर कार्यकर्त्यांसाठी जेवणाचा कार्यक्रम आयोजित करण्यात आला होता. मध्यरात्री एकच्या सुमारास जेवण सुरू असताना घोरपडे यांनी महिलांना पहिले जेवण द्या, असे सांगितले. या कारणावरुन आरोपीने घोरपडे यांच्याशी वाद घालण्यास सुरुवात केली. Ganesh Peth Assault Case आरोपीने घोरपडे यांच्या डोक्यात लोखंडी भात वाढणी घातली. घोरपडे यांच्या डोक्याला गंभीर दुखापत झाली. घोरपडे यांना तातडीने रुग्णालयात दाखल करण्यात आले. पसार झालेल्या आरोपीचा शोध घेण्यात येत असून, पोलीस हवालदार संदीप धनवटे तपास करत आहेत.
