आंबेगाव पोलीस ठाण्यात गुन्हा दाखल
marathinews24.com
पुणे – राहत्या फ्लॅटचे कुलूप तोडून चोरट्यांनी रोकडसह सोन्याचे दागिने असा मिळून २२ हजार ५०० रूपयांचा ऐवज चोरून नेला. ही घटना १९ मे रोजी सकाळी पावणे अकराच्या सुमारास आंबेगाव बुद्रूकमधील बळवंत हाईट्समध्ये घडली आहे. याप्रकरणी महिलेने आंबेगाव पोलीस ठाण्यात फिर्याद दाखल केली आहे. त्यानुसार गुन्हा दाखल करण्यात आला आहे.
कुख्यात आंदेकर टोळीने तरूणावर गोळ्या झाडून कोयत्याने केले वार,चौघांना बेड्या – सविस्तर बातमी
पोलिसांनी दिलेल्या माहितीनुसार, तक्रारदार महिला आंबेगावातील बळवंत हाईट्समध्ये राहायला असून, १९ मे रोजी सकाळच्या सुमारास चोरट्यांनी त्यांच्या बंद फ्लॅटचे कुलूप तोडून आतमध्ये प्रवेश केला. कपाटातील साडेआठ हजारांची रोकड, सोन्या-चांदीचे दागिने असा २२ हजार ५०० रूपयांचा ऐवज चोरून नेला. याप्रकरणी पोलीस उपनिरीक्षक मोहन कळमकर तपास करीत आहेत.
किराणा माल विक्रीच्या दुकानातील ४१ हजार चोरले
किराणा माल विक्रीच्या दुकानाचे कुलूप तोडून चोरट्यांनी ४१ हजार ३५० रूपयांची रोकड चोरून नेली. ही घटना १७ ते १८ मे कालावधीत वानवडीतील महालक्ष्मी डिपार्टमेंट शॉपमध्ये घडली आहे. याप्रकरणी जेष्ठ नागरिकाने वानवडी पोलीस ठाण्यात फिर्याद दाखल केली आहे. त्यानुसार चोरट्यांविरूद्ध गुन्हा दाखल करण्यात आला आहे. याप्रकरणी पोलीस अमलदार गोसावी तपास करीत आहेत.
