चोरट्यांनी ६८ हजारांचा ऐवज चोरून नेल्याची घटना घडली
marathinews24.com
पुणे – शहरातील नर्हे आणि हडपसर गाडीतळ परिसरातील बंद फ्लॅटचे कुलूप तोडून चोरट्यांनी २ लाखांचा ऐवज चोरून नेला आहे. याप्रकरणी नर्हे आणि हडपसर पोलीस ठाण्यात गुन्हा दाखल करण्यात आला आहे. बंद फ्लॅटचे कुलूप तोडून चोरट्यांनी ६८ हजारांचा ऐवज चोरून नेल्याची घटना २४ मार्चला नर्हेतील मेलमल्हार सोसायटीत घडली आहे. तसेच चोरट्यांनी फिर्यादीच्या शेजारील फ्लॅटमध्येही चोरीचा प्रयत्न केला आहे.
टास्कचे आमिष महागात, तरूणाची २४ लाखांची फसवणूक – सविस्तर बातमी
बंद फ्लॅटचे कुलूप तोडून चोरट्यांनी १ लाख ६५ हजारांचे सोन्याचे दागिने चोरून नेले आहेत. ही घटना १९ ते २१ मार्च कालावधीत हडपसर गाडीतळ परिसरातील साईनाथ वसाहतीत घडली आहे. याप्रकरणी ३५ वर्षीय तरूणाने हडपसर पोलीस ठाण्यात फिर्याद दाखल केली आहे. त्यानुसार अज्ञात चोरट्यांविरूद्ध गुन्हा दाखल करण्यात आला आहे. याप्रकरणी स्थानिक पोलिसांकडून आरोपींच्या शोधार्थ वेगाने तपास करण्यात येत आहे. पोलीस अमलदार खटके तपास करीत आहेत.
