सराइतांना लक्ष्मीनगर पोलिसांनी केली अटक
marathinews24.com
पुणे – पिस्तूल बाळगणाऱ्या सराइतांना लक्ष्मीनगर पोलिसांनी अटक केली. त्यांच्याकडून देशी बनावटीचे एक पिस्तूल, तसेच काडतूस जप्त करण्यात आले. साजिद उर्फ डीजे मोहम्मद शेख (वय २०, रा. कामराजनगर, येरवडा), शुभम राजेंद्र बोत (वय २६, रा. ढवळे वस्ती, घोरपडी) अशी अटक करण्यात आलेल्यांची नावे आहेत. शेख आणि बोत हे सराईत आहेत. येरवडा पोलीस ठाण्यात शेख याच्याविरुद्ध गुन्हा दाखल झाला होता.
सराइताचा गोळ्या झाडून सराइताचा खून – सविस्तर बातमी
गुन्हा दाखल झाल्यानंतर तो पसार झाला होता. शेख त्याच्या घरी येणार असल्याची माहिती तपास पथकातील पोलीस कर्मचारी अक्षय शिंदे, कादीर शेख, अमोल गायकवाड यांना मिळाली. पोलिसांनी सापळा लावला. पोलिसांना पाहताच शेख आणि त्याच्याबरोबर असलेला साथीदार बोत हे घराच्या खिडकीतून उतरुन पसार होण्याच्या तयारीत होते. पोलिसांनी पाठलाग करुन दोघांना पकडले. पाेलिसांनी झडती घेतली. तेव्हा शेख याच्याकडे देशी बनावटीचे पिस्तूल आणि काडतूस सापडले.
परिमंडळ चारचे पोलीस उपायुक्त रजनीकांत चिलुमुला, सहायक आयुक्त सुनील जैतापूरकर यांच्या मार्गदर्शनाखाली वरिष्ठ पोलीस निरीक्षक रवींद्र कदम, गुन्हे शाखेचे निरीक्षक उमेश गित्ते, सहायक निरीक्षक दत्तात्रय लिगाडे, रवीकांत नंदनवार, अमोल वायाळ, राहुल परदेशी, सूरज ओंबासे, अतुल जाधव, दत्तात्रय शिंदे, नितीन धायगुडे, सचिन कचेक यांनी ही कारवाई केली.
