छत्रपती संभाजी महाराज यांच्या जयंतीचे औचित्य साधून पुस्तक वाटप
marathinews24.com
बीड (अनंत जाधव) – मराठा सेवा संघाच्यावतीने आणि छत्रपती संभाजी महाराज यांच्या जयंतीचे औचित्य साधून आयोजित संत तुकोबाराय व्याख्यानमालेत स्तुत्य उपक्रम पार पडला. छत्रपती संभाजीनगर येथील जिजाऊ मंदिर येथे व्याख्याते प्रदीप सोळूंके यांनी मुलीच्या वसतिगृहाला विविध विषयांचे तब्बल ५ हजार ७४८ पुस्तकाची भेट दिली आहे. भेट दिलेल्या पुस्तकाची संत तुकोबाराय व्याख्यानमालेत नोंद झाली आहे.
धरणे व तलावांमधील गाळ काढण्याच्या कामांना गती द्या-जिल्हाधिकारी जितेंद्र डुडी – सविस्तर बातमी
दर महिन्याच्या तिसऱ्या शनिवारी होणाऱ्या या व्याख्यानमालेच्या अंतर्गत, वक्ते प्रदीप सोळुंके यांनी वैयक्तिक ग्रंथालयातील ५ हजार ७४८ पुस्तके मुलींच्या वसतिगृहाला भेट देत अनोखा आदर्श निर्माण केला आहे. प्रदीप सोळुंके यांनी व्याख्यानातून छत्रपती संभाजी महाराज यांच्या अष्टपैलू व्यक्तित्वावर प्रकाश टाकला. विद्यार्थीनी या पुस्तकांतून ज्ञान संपादन करून आपले मस्तक सशक्त करावे, असे मार्गदर्शन सोळुंके यांनी केले आहे. या कार्यक्रमाला प्रमुख पाहुणे म्हणून टी. आर. जाधव, प्रा. चंद्रकांत भराट संस्थापक प्रदेशाध्यक्ष, छावा, डी. एम.पाटील जिल्हाध्यक्ष, मराठा सेवा संघ, धनंजय पाटील विभागीय अध्यक्ष, प्रा. विजया मुसंडे आणि देवरावजी पतंगे उपस्थित होते. सूत्रसंचालन संजीव साठे यांनी केले, तर आभार वैभव बोडखे यांनी मानले.
