विश्रामबाग पोलीस ठाण्यात दोघांविरुद्ध फसवणुकीचा गुन्हा
marathinews24.com
पुणे – बांधकाम व्यवसायासाठी ३० कोटी रुपयांचे कर्ज मंजूर करुन देण्याच्या आमिषाने एका बांधकाम व्यावसायिकाची १६ लाख ८० हजार रुपयांची फसवणूक करण्यात आल्याचा प्रकार उघडकीस आला. याप्रकरणी दोघांविरुद्ध गुन्हा दाखल करण्यात आला आहे. याबाबत एका बांधकाम व्यावसायिकाने विश्रामबाग पोलीस ठाण्यात फिर्याद दिली आहे.
ठेवण्यासाठी दिलेल्या दागिन्यांचा केला अपहार, गुन्हा दाखल – सविस्तर बातमी
पोलिसांनी दिलेल्या माहितीनुसार, तक्रारदार व्यावसायिकाची २०२१ मध्ये आराेपींशी ओळख झाली होती. बांधकाम व्यवसायासाठी ३० कोटी रुपयांचे कर्ज मिळवून देण्याचे आमिष आरोपींनी तक्रारदाराला दाखविले होते. कर्ज मंजुरीची प्रक्रिया, तसेच कागदपत्रांची पूर्तता केल्यानंतर कर्ज मंजूर होईल, असे आरोपींनी सांगितले होते. त्यानंतर कर्ज मंजूरी, तसेच कागदपत्रांची पूर्तता करण्यासाठी आरोपींनी तक्रारदाराकडून वेळोवेळी १६ लाख रुपये घेतले. कर्ज मंजूर न केल्याने तक्रारदाराने त्यांच्याकडे विचारणा केली. फसवणूक झाल्याचे उघडकीस आल्यानंतर त्यांनी नुकतीच पोलिसांकडे तक्रार दिली. सहायक पोलीस निरीक्षक वाघमारे तपास करत आहेत.
