समर्थ पोलीस ठाण्यात गुन्हा दाखल
marathinews24.com
पुणे – दारू पिऊन गोंधळ घालणाऱ्या टोळक्याला हटकल्याने एकाला मारहाण करण्यात आल्याची घटना सोमवार पेठेतील खडीचे मैदान परिसरात घडली. या प्रकरणी दीपेश साने, गणेश नाईक यांच्यासह साथीदारांविरुद्ध गुन्हा दाखल करण्यात आला आहे. याबाबत एकाने समर्थ पोलीस ठाण्यात फिर्याद दिली आहे.
किरकोळ वादातून दुचाकीस्वारावर चाकूने वार – सविस्तर बातमी
पोलिसांनी दिलेल्या माहितीनुसार, शनिवारी (१ ऑगस्ट) मध्यरात्री सोमवार पेठेतील खडीचे मैदान परिसरातील एका गल्लीत रिक्षात बसून दारू पित होते. रिक्षातील ध्वनीवर्धक त्यांनी सुरू केला होता. रिक्षातून मोठ्याने गाण्यांचा आवाज येत होता. या भागात राहणाऱ्या फिर्यादीने आरोपींना नागरिक झोपले आहेत. रात्री गोंधळ घालू नका, असे आरोपींना सांगितले. या कारणावरुन आरोपींनी त्याला बांबूने मारहाण केली. दगड फेकून मारला. पोलीस हवालदार खैरे तपास करत आहेत.
