आगीत गोदामातील व्यक्तीचा मृत्यू; रात्री उशिरापर्यंत आग विझविण्याचे प्रयत्न
marathinews24.com
पुणे – कोंढव्यातील रंगाच्या गोदामात आग लागल्याची घटना शुक्रवारी रात्री आग लागली. आगीत होरपळून एकाचा मृत्यू झाला. अग्निशमन दलाच्या जवानांकडून रात्री उशीरापर्यंत आग आटोक्यात आणण्याचे काम सुरू होते.
वादातूनच दिली होती खूनाची सुपारी, ६ जणांना बेड्या – सविस्तर बातमी
कोंढव्यातील वेताळनगर भागात रंगाचे गोदाम आहे. शुक्रवारी रात्री दहाच्या सुमारास गोदामात आग लागली. गोदामात रंगाचे डबे असल्याने आग भडकली. या घटनेची माहिती मिळताच अग्निशमन दलाचे तीन बंब घटनास्थळी दाखल झाले. जवानांनी पाण्याचा मारा करुन आग आटोक्यात आणण्यासाठी प्रयत्न सुरू केले. जवानांनी पाण्याचा मारा करुन आग नियंत्रणात आणली. आगीत गोदामात अडकलेला एक जण गंभीर होरपळला होता. जवानांनी तातडीने त्याला रुग्णालयात दाखल केले. गंभीर होरपळलेल्या एकाचा मृत्यू झाल्याची माहिती अग्निशमन दलाच्या मुख्य नियंत्रण कक्षाकडून देण्यात आली.
