पतीसह नातेवाईकांविरुद्ध गुन्हा
marathinews24.com
पुणे – पती समलैगिंक असल्याचे लपवून विवाह केल्यानंतर महिलेचा शारिरिक आणि मानसिक छळ केल्याच्या आरोपावरुन पतीसह नातेवाईकांविरुद्ध गुन्हा दाखल (Pune Crime) करण्यात आला. याबाबत एका महिलेने भारती विद्यापीठ पोलीस ठाण्यात फिर्याद दिली आहे. तिने दिलेल्या फिर्यादीनुसार, पती, सासू, जाऊ, तसेच दिराविरुद्ध पोलिसांनी गुन्हा दाखल केला आहे.
तरूणाला शेअरमधील गुंतवणूक पडली ५३ लाखांना – सविस्तर बातमी
पोलिसांनी दिलेल्या माहितीनुसार, फिर्यादी ४४ वर्षीय महिलेचा आरोपी पतीशी २००६ मध्ये विवाह झाला होता. पती समलैगिंक असल्याची बाब त्याच्या कुटुंबीयांनी लपवून ठेवली होती. त्यानंतर पती समलैंगिक असल्याचे महिलेच्य निदर्शनास आले. त्याची परपुरुषांशी संबंध असल्याचे उघडकीस आले. पती परपुरुषांना घरी बोलावू लागला. याबाबत महिलेने त्याला जाब विचारला. तेव्हा महिला आणि तिच्या मुलाला घरातून बाहेर काढण्याची धमकी दिली. ‘तू जर तक्रार दिली तर घरात राहायचे नाही. तू घर सोडून जा’, अशी धमकी महिलेला देण्यात आली. मुलाचे भवितव्य, तसेच असुरक्षितपणाची भावना निर्माण झाली. शारिरिक मानसिक छळ करण्यात आला, असा आरोप महिलेने फिर्यादीत केला आहे. पोलीस उपनिरीक्षक राखी कांबळे तपास करत आहेत.
महिलेचा छळ केल्या प्रकरणी गुन्हा
महिलेचा शारिरिक आणि मानसिक छळ करुन तिला काठीने मारहाण केल्या प्रकरणी लोणी काळभोर पोलिसांनी पती, सासू, सासऱ्यांविरुद्ध गुन्हा दाखल केला. याबाबत एका महिलेने लक्ष्मीनगर पोलीस ठाण्यात फिर्याद दिली आहे. पोलिसांनी दिलेल्या माहितीनुसार, पती मूळचा अहिल्यानगर जिल्ह्यातील कोल्हार गावचा रहिवासी आहे. तो पिरंगुट परिसरात नोकरी करत आहे. विवाहानंतर महिला, पती हे पिरंगुट परिसरात राहत होते. विवाहानंतर शारिरिक आणि मानसिक छळ करुन काठीने मारहाण करण्यात आली, असा आरोपी महिलेने फिर्यादीत केला आहे. पोलीस उपनिरीक्षक सपना दांगट तपास करत आहेत.
