एकमेकांकडे पाहण्याच्या वादातून हल्ला; १६ वर्षीय मुलगा गंभीर जखमी
marathinews24.com
पुणे – Pune Crime News : एकमेकांकडे पाहण्याच्या वादातून अल्पवयीनावर तीक्ष्ण शस्त्राने वार करण्यात आल्याची घटना उत्तमनगर भागात घडली. या प्रकरणी पोलिसांनी दोघांना अटक केली. याबाबत एका १६ वर्षीय मुलाने उत्तमनगर पोलीस ठाण्यात फिर्याद दिली आहे. खुनाचा प्रयत्न केल्या प्रकरणी सुशांत विलास ढिले (वय ३२, रा. भवानीमाता काॅम्प्लेक्स, उत्तमनगर), सचिन राजू मारणे (वय २७, रा. अचानक चौक, न्यू कोपरे गाव, उत्तमनगर) यांना अटक कररण्यात आली. त्यांच्याबरोबर असलेल्या एका साथीदाराविरुद्ध गुन्हा दाखल करण्यात आला.
तळजाईत पाण्याच्या टाकीत पडून १४ वर्षीय मुलगा गंभीर जखमी – सविस्तर बातमी
पोलिसांनी दिलेल्या माहितीनुसार, १६ वर्षीय अल्पवयीन मित्राबरोबर शुक्रवारी (२३ ऑक्टोबर) रात्री आठच्या सुमारास शिवणे परिसरातील सरस्वतीनगर भागात थांबला होता. त्या वेळी एकमेकांकडे पाहण्याच्या वादातून आरोपींनी मुलाला शिवीगाळ केली. त्याच्या डोक्यावर तीक्ष्ण शस्त्राने वार केले. आरोपींनी केलेल्या हल्ल्यात मुलगा गंभीर जखमी झाला. पसार झालेल्या दोघा आरोपींना पोलिसांनी अटक केली. सहायक पोलीस निरीक्षक तुषार चव्हाण तपास करत आहेत.
