चालकाविरुद्ध गुन्हा दाखल
marathinews24.com
पुणे – भरधाव मोटारीच्या धडकेत पादचारी ज्येष्ठ नागरिकाचा मृत्यू झाल्याची घटना पुणे-सोलापूर रस्त्यावर लोणी काळभोर भागात घडली. याप्रकरणी मोटार चालकाविरुद्ध गुन्हा दाखल करण्यात आला आहे. रुपाराम रामाजी बावरी (वय ७०, रा. थेऊर फाटा, कुंजीरवाडी, पुणे-सोलापूर रस्ता) असे मृत्युमुखी पडलेल्या ज्येष्ठाचे नाव आहे.
पुण्यातून तडीपार केलेल्या तीन गुंडाना पकडले – सविस्तर बातमी
याप्रकरणी मोटार चालक ऋतिक दत्तात्रय सोनवणे (रा. मांगडेवाडी, कात्रज) याच्याविरुद्ध गुन्हा दाखल करण्यात आला आहे. याबाबत भुरी रमेश भाटी (वय २६, रा. थेऊर फाटा, कुंजीरवाडी, पुणे-सोलापूर रस्ता) यांनी लोणी काळभोर पोलीस ठाण्यात दिली आहे.
पोलिसांनी दिलेल्या माहितीनुसार, बावरी हे भाटी यांचे वडील आहेत. गेल्या महिन्यात १७ जुलै रोजी सकाळी अकराच्या सुमारास बावरी हे पुणे-सोलापूर रस्त्यावरील कुंजीरवाडी परिसरातून निघाले होते. त्या वेळी भरधाव मोटारीने रस्ता ओलांडणाऱ्या बावरी यांना धडक दिली होती. गंभीर जखमी झालेल्या बावरी यांचा उपचारांदरम्यान मृत्यू झाला. त्यानंतर त्यांची मुलगी भुरी भाटी यांनी नुकतीच पोलिसांकडे तक्रार दिली. सहायक पोलीस निरीक्षक अरुण जाधव तपास करत आहेत.
