कराडे-नवले पूल प्रवासादरम्यान चोरी; नऱ्हे पोलिसांत गुन्हा दाखल
marathinews24.com
पुणे – एसटी प्रवासी महिलेच्या पिशवीतून साडेचार लाख रुपयांचे सोन्याचे दागिने चोरट्यांनी लांबविल्याची घटना उघडकीस आली. या प्रकरणी चोरट्याविरुद्ध नऱ्हे पोलिसांनी गुन्हा दाखल केला. याबाबत एका महिलेने नऱ्हे पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, चोरट्याविरुद्ध गुन्हा दाखल करण्यात आला आहे.
पुणे स्टेशन परिसरात महिलेचे दागिने लांबविले – सविस्तर बातमी
पोलिसांनी दिलेल्या माहितीनुसार, तक्रारदार महिला वडगाव बुद्रुक परिसरात राहायला आहेत. २९ जुलै रोजी त्या कराडे ते नवले पूल दरम्यान एसटी बसमधून प्रवास करत होत्या. बस प्रवासात त्यांच्या पिशवीतून चोरट्याने चार लाख ४५ हजार रुपयांचे सोन्याचे दागिने लांबविले. नवले पूल परिसरातील थांब्यावर त्या उतरल्या. घरी पोहोचल्यानंतर त्यांनी पिशवीची पाहणी केली. तेव्हा पिशवीतील दागिने चोरीला गेल्याचे उघडकीस आले. पोलीस उपनिरीक्षक जगताप तपास करत आहेत.
