भारती विद्यापीठ पोलिसांची कारवाई
marathinews24.com
पुणे – भारती विद्यापीठ पोलिसांनी वाहन चोरीच्या घटनांवर आळा घालण्यासाठी कारवाई करून अल्पवयीन मुलाला ताब्यात घेतले. त्याच्याकडून वाहन चोरीचे तीन गुन्हे उघडकीस आणले आहेत. कारवाईत दोन दुचाकी आणि एक तीनचाकी रिक्षासह एकूण २ लाख ३५ हजार रुपयांची वाहने जप्त करण्यात आली.
गुंड सुरज ठोंबरे टोळीतील सराईत अटकेत, पिस्तूल जप्त – सविस्तर बातमी
पोलिसांनी दिलेल्या माहितीनुसार, भारती विद्यापीठ पोलिस ठाण्याच्या हद्दीत वाढत्या वाहनचोरीच्या पार्श्वभूमीवर वरिष्ठ पोलिस निरीक्षक मानसिंग पाटील यांच्या मार्गदर्शनाखाली तपास मोहीम सुरू होती. यावेळी पोलिस उपनिरीक्षक निलेश मोकाशी, अंमलदार मितेश चोरमोले, सागर बोरगे आणि अभिनय चौधरी हे वाहन चोरांचा शोध घेत असताना वंडरसिटी परिसरात एकजण मोकळ्या जागेत चोरीची वाहने घेऊन थांबला असल्याची माहिती मिळाली.
पोलिसांनी माहितीच्या आधारे पोलिसांनी वंडरसिटी रस्ता ते सावंत विहार मार्गावर सापळा रचला. तेथे संबंधित मुलाकडे रिक्षा
आणि मोपेड आढळून आली. चौकशीत त्याने साथीदारांच्या मदतीने ही वाहने चोरल्याची कबुली दिली. दोन्ही वाहने तात्काळ जप्त करण्यात आली. पुढील तपासात संबंधित मुलाने आणखी दोन साथीदारांसह एक दुचाकी चोरी केल्याचेही उघड झाले. या माहितीच्या आधारे ती दुचाकीही जप्त करण्यात आली. कारवाईमुळे भारती विद्यापीठ पोलिस ठाण्यातील भारतीय न्याय संहिता कलम ३०३(२) अंतर्गत नोंद असलेले तीन वाहन चोरीचे गुन्हे उघडकीस आले आहेत.
