एकजण ठार चालकाविरूद्ध गुन्हा
marathinews24.com
पुणे – जमिनीवर झोपलेल्या ट्रक चालकाच्या अंगावरून दुसरा ट्रक गेल्यामुळे त्याचा मृत्यू झाला आहे. हा अपघात १९ मे रोजी रात्री तीनच्या सुमारास काळेपडळ परिसरातील भाउ मासाळ यांच्या जागेत संगम हॉस्पीटल रोडनजीक घडली आहे. विशालसिंह मोहर सिंह (वय ३६, रा. छत्तीसगड) असे ठार झालेल्याचे नाव आहे. याप्रकरणी ट्रक चालक माधव शिवाजी पवार (वय २८ रा. येवलेवाडी) याच्याविरूद्ध गुन्हा दाखल केला आहे. पुष्पेद्रकुमार मरावी (वय ३६ रा. मध्यप्रदेश) याने काळेपडळ पोलीस ठाण्यात फिर्याद दाखल केली आहे.
पुण्यात टोळीयुद्धाचा भडका – सविस्तर बातमी
पोलिसांनी दिलेल्या माहितीनुसार, ट्रकचालक विशाल सिंह हा मूळचा छत्तीसगडचा असून, तो १९ मे रोजी रात्री काळेपडळ परिसरातील मोकळ्या जागेत स्वतःची ट्रक उभी करून जमिनीवर झोपला होता. त्यानंतर रात्रीच्या सुमारास दुसरा ट्रक चालक माधव पवार याने भरधाव वेगाने ट्रक चालवून विशालच्या अंगावरून ट्रक चालवला. त्यामुळे अपघातात गंभीररित्या जखमी झालेल्या ट्रक चालक विशालचा मृत्यू झाला. याप्रकरणी पसार झालेल्या ट्रक चालकाचा शोध घेतला जात आहे. पोलीस अमलदार दीनेश रासकर तपास करीत आहेत.
