कोरेगाव पार्क पोलीस ठाण्यात गुन्हा दाखल
marathinews24.com
पुणे – मोबाइलवरील संवादाबाबत (चॅटींग) जाब विचारणाऱ्या पत्नीसह मुलाला बॅटने मारहाण करण्यात आल्याची घटना पुणे स्टेशन परिसरातील क्वीन्स गार्डन येथे घडली. पत्नीचा गळा आवळून खुनाचा प्रयत्न केल्या प्रकरणी पोलिसांनी एकाविरुद्ध गुन्हा दाखल केला. याप्रकरणी विजय फुलचंद कारंडे (वय ४०, रा. क्वीन्स गार्डन, पुणे स्टेशनजवळ) याच्याविरुद्ध गुन्हा दाखल करण्यात आला आहे. कारंडे याने केलेल्या मारहाणीत त्याची पत्नी रुपाली (वय ३०) आणि मुलगा जखमी झाले आहेत. याबाबत पत्नीने कोरेगाव पार्क पोलीस ठाण्यात फिर्याद दिली आहे.
बाह्यवळण मार्ग चार तास रोखून धरल्यानंतर सौम्य लाठीमार – सविस्तर बातमी
पोलिसांनी दिलेल्या माहितीनुसार, ३० एप्रिल रोजी रात्री आठच्या सुमारास ही क्वीन्स गार्डन परिसरातील आरोपीच्या घरात ही घटना घडली. आरोपी हा मोबाइलवर चॅटींग करत होता. त्यावेळी पत्नीने त्याला जाब विचारला. या कारणावरुन त्याने पत्नीला शिवीगाळ केली. पत्नी आणि मुलाला त्याने बॅटने मारहाण केली, तसेच पत्नीचा गळा आवळून तिला जिवे मारण्याचा प्रयत्न केला. पोलीस उपनिरीक्षक नरेंद्र शिंदे तपास करत आहेत.
