तालुका कृषी अधिकारी सचिन हाके यांनी केले मार्गदर्शन
marathinews24.com
बारामती – महाराष्ट्र शासनाच्या निर्देशानुसार दि. १७ सप्टेंबर ते १७ ऑक्टोबर २०२६ या कालावधीत राज्यभर ‘सेवा संकल्प अभियान’ (Women Farmer Certificate) राबविण्यात येत आहे. या अभियानांतर्गत तालुका कृषी अधिकारी कार्यालय यांच्या मार्गदर्शनाखाली मंडळ कृषी अधिकारी, सुपे यांच्या कार्यक्षेत्रातील विविध गावांमध्ये महिला शेतकऱ्यांसाठी विशेष प्रमाणपत्र नोंदणी संदर्भात तालुका कृषी अधिकारी सचिन हाके यांनी मार्गदर्शन केले.
गायकाने प्रतिभा घेऊनच जन्माला यावे लागते-आरती अंकलीकर-टिकेकर – सविस्तर बातमी
महिला शेतकऱ्यांना शासनाच्या विविध कृषी योजना व सुविधांचा लाभ मिळवून देण्यासाठी महिला शेतकरी प्रमाणपत्रासाठी नोंदणी व आवश्यक कागदपत्रांची पूर्तता करण्यात आली. यावेळी पात्र महिला शेतकऱ्यांची माहिती संकलित करून त्यांचे प्रमाणपत्र नोंदणीचे काम करण्यात आले.
Women Farmer Certificate महिला शेतकऱ्यांनी विविध कृषी योजनांचा लाभ घेण्यासाठी आवश्यक असलेल्या महिला शेतकरी प्रमाणपत्राचे महत्त्व, त्यासाठी आवश्यक कागदपत्रे, नोंदणी प्रक्रिया तसेच प्रमाणपत्राचा विविध शासकीय योजनांमध्ये होणारा उपयोगाबाबत मंडळ कृषी अधिकारी बापूराव लोदाडे यांनी मार्गदर्शन केले.
या उपक्रमाद्वारे महिला शेतकऱ्यांना कृषी विभागाच्या योजनांच्या मुख्य प्रवाहात आणून त्यांना शासकीय योजनांचा लाभ सुलभतेने देण्यासाठी उपयोग होणार आहे. महिला शेतकऱ्यांनीही या विशेष उपक्रमास उत्स्फूर्त प्रतिसाद देत प्रमाणपत्र नोंदणी करून घेतली. या वेळी उपस्थित महिला शेतकऱ्यांना शासनाच्या विविध कृषी योजना व डिजिटल कृषी सेवांचीही माहिती देण्यात आली.
