अग्निशमन दलाच्या जवानांनी केली सुटका
marathinews24.com
पुणे – खडकवासला धरणातून मोठ्या प्रमाणावर सोडण्यात आल्यानंतर नदीपात्रात अडकलेल्या तरुणाची अग्निशमन दलाच्या जवानांनी सुटका केली. डेक्कन जिमखाना परिसरात नदीपात्रात पुलाखाली पाण्यात एक तरुण अडकल्याची माहिती सोमवारी दुपारी चारच्या सुमारास अग्निशमन दलाच्या एरंडवणे केंद्राला मिळाली.
पुण्यात पोलीस व्हॅनची वाहनांना धडक – सविस्तर बातमी
घटनेची माहिती मिळताच जवान महेश पांगारकर, सचिन आयवळे, आशुतोष पिंगळे, सागर मुंढे, कमलेश माने, राहुल वाघमोडे, नीलेश पाटील यांनी घटनास्थळी धाव घेतली. खडकवासला धरण साखळीत झालेल्या पावसामुळे सोमवारी दुपारनंतर मोठ्या प्रमाणावर पाणी सोडण्यात आले होते. त्यामुळे पाण्याच्या प्रवाहात अडकलेल्या तरुणाला बाहेर पडता येत नव्हते. जवानांनी दोरी, लाईफ जॅकेटचा वापर करुन तरुणाला पाण्यातून बाहेर काढले.
तरुण कर्वेनगर भागातील आहे. तो नेमका कसा पाण्यात अडकला,याची माहिती मिळाली. तरुणाला पाण्यातून बाहेर काढण्यात आल्याने जमलेल्या नागरिकांनी अग्निशमन दलाच्या जवानांचे कौतुक केले.
