महिलेसह दोघांविरुद्ध गुन्हा
marathinews24.com
पुणे – हाॅटेल व्यवसायात भागीदारी देण्याच्या आमिषाने २२ लाखांची फसवणूक केल्या प्रकरणी एका महिलेसह दाेघांविरुद्ध चतु:शृंगी पोलिसांनी गुन्हा दाखल केला. याप्रकरणी विवेक मुकुंदराव आत्रे, माया विलास साबळे (वय ३८, दोघे रा. रोहन गरिमा सोसायटी, सेनापती बापट रस्ता ) यांच्याविरुद्ध गुन्हा दाखल करण्यात आला आहे. याबाबत रागिणी चेतन गुंजाळ (वय ३६, रा. गुंजाळवाडी, सेनापती बापट रस्ता) यांनी चतु:शृंगी पोलीस ठाण्यात फिर्याद दिली आहे.
हप्ता न दिल्याने दोघांवर तीक्ष्ण शस्त्राने वार – सविस्तर बातमी
पोलिसांनी दिलेल्या माहितीनुसार, आरोपींशी तक्रारदार महिला आणि तिच्या पतीची ओळख झाली होती. हाॅटेल व्यवसायात भागीदारी देण्याचे आमिष आरोपींनी त्यांना दाखविले होते. गेल्या तीन ते चार वर्षांत आरोपींनी त्यांच्याकडून वेळोवेळी २२ लाख रुपये रोख स्वरुपात घेतले. हाॅटेल व्यवसायात भागीदारी दिली नाही. तक्रारदार महिला आणि तिच्या पतीने २२ लाख रुपये परत करण्याबाबत मागणी केली. तेव्हा आरोपींनी फिर्यादी महिलेच्या पतीला शिवीगाळ करुन धमकावले, असे फिर्यादीत म्हटले आहे. सहायक पोलीस निरीक्षक पवार तपास करत आहेत.
