पोलीस ठाण्यात गुन्हा दाखल
marathinews24.com
पुणे – शहरासह जिल्ह्यातून दोन वर्षांसाठी तडीपार केलेल्या ५ जणांना विविध पोलिस ठाण्यांच्या पथकांनी फिरत असताना पकडले आहे. याप्रकरणी संबंधित पोलिस ठाण्यांमध्ये गुन्हे तडीपारीच्या आदेशाचे उल्लंघन केल्याप्रकरणी गुन्हे दाखल करण्यात आले आहेत.
बंडगार्डन पोलिस ठाण्याचे पथक हद्दीत गस्त घालत असताना ताडीवाला रोड परिसरात सचिन घोडके (वय २७, रा. ताडीवाला रोड) हा शुक्रवारी (दि. १९) रात्री सव्वा अकराच्या सुमारास त्याला २ वर्षांसाठी पुणे, पिंपरी-चिंचवड पोलिस आयुक्तालयाच्या हद्दीसह पुणे ग्रामीण पोलिसांच्या हद्दीतून तडीपार केलेले असताना शहरात आढळून आला. याप्रकरणी बंडगार्डन पोलिस ठाण्यात पोलिस कर्मचारी मनोज भोकरे (वय ३५) यांनी दिलेल्या फिर्यादीवरून गुन्हा दाखल करण्यात आला आहे.
कुख्यात नीलेश घायवळ टोळीतील साथीदारांची पोलिसांनी काढली धिंड – सविस्तर बातमी
लष्कर पोलिस ठाण्याच्या हद्दीत अमन हाशम मेमन (वय २५, रा. कॅम्प), आंबेगाव पोलिस ठाण्याच्या हद्दीत सुर्यकांत रामदास माने (वय २२), कोथरूड पोलिस ठाण्याच्या हद्दीत जय उर्फ डमऱ्या प्रमोद चोरट ( वय २३, रा. शास्त्रीनगर, कोथरूड), चतु:श्रृंगी पोलिस ठाण्याच्या हद्दीत इस्माईल इब्राहीम शेख (२२, रा. वडारवाडी) हे आरोपी तडीपारीच्या आदेशाचे उल्लंघन करून शहरात फिरताना आढळून आले. त्यांच्यावर देखील संबंधित पोलिस ठाण्यात गुन्हा दाखल करण्यात आला आहे.
