सर्व अंगणवाडी आणि प्राथमिक शाळेतील विद्यार्थ्यांना स्पोर्ट्स गणवेश व ओळखपत्र वाटप
marathinews24.com
दौंड – तालुक्यातील स्वामी चिंचोली ग्रामपंचायतीच्या वतीने गावातील सर्व अंगणवाडी व जिल्हा परिषद प्राथमिक शाळेतील विद्यार्थ्यांना स्पोर्ट्स गणवेश व ओळखपत्र वाटप करण्यात आले. खाजगी संस्थेतील विद्यार्थ्यांना स्पोर्ट्स गणवेश असतो. मग आपल्या शाळेतील विद्यार्थ्यांना देखील स्पोर्ट्स गणवेश असावा यामुळे विद्यार्थ्यांमध्ये आवड निर्माण होते. अशी मागणी ग्रामपंचायतीकडे करण्यात आली होती. त्यानुसार ग्रामपंचायतीने निर्णय घेतला आणि सर्व अंगणवाडी आणि प्राथमिक शाळेतील विद्यार्थ्यांना स्पोर्ट्स गणवेश व ओळखपत्र वाटप केले.
‘सृजनयात्री’त आरती ठाकूर-कुंडलकर, सचिन नेवपुरकर आणि सुयोग कुंडलकर यांचे सादरीकरण – सविस्तर बातमी
नवीन गणवेश मिळाल्याने विद्यार्थांच्या चेहऱ्यावर आनंद ओसंडून वाहत होता. यावेळी सरपंच पूनम मदने, शाळा व्यवस्थापन समितीचे अध्यक्ष संतोष मदने, मुख्याध्यापिका विजया रामगुडे शिक्षिका वर्षा काळे, शिक्षिका सुप्रिया पवार, शिक्षक सतीश वेताळ, ग्रामस्थ मेहबूब मुजावर, विठ्ठल भागडे उपस्थित होते. स्पोर्ट्स गणवेश आणि ओळखपत्र मिळाल्याने विद्यार्थि आनंदी आहेत. ग्रामपंचायतीचे वेळोवेळी शाळेला सहकार्य असते त्याबद्दल नागरिकांनी ग्रामपंचायतीचे आभार मानले आहेत.
