सायबर चोरट्यांविरुद्ध गुन्हा
marathinews24.com
पुणे – कर्ज देण्याच्या आमिषाने सायबर चोरट्यांनी कात्रझ भागातील एका तरुणाची १९ लाख रुपयांची फसवणूक केली. याप्रकरणी सायबर चोरट्यांविरुद्ध भारती विद्यापीठ पोलिसांनी गुन्हा दाखल केला. याबाबत तरुणाने भारती विद्यापीठ पोलीस ठाण्यात फिर्याद दिली आहे. चोरट्यांविरुद्ध गुन्हा दाखल करण्यात आला आहे.
रिक्षा चालकाला मारहाण करुन लुटले – चोरटे अटकेत – सविस्तर बातमी
पोलिसांनी दिलेल्या माहितीनुसार, तक्रारदार तरुण कात्रज भागात राहायला आहे. सायबर चोरट्यांनी तरुणाला कर्ज मिळवून देण्याचे आमिष दाखविले होते. तरुणाला व्यवसायासाठी कर्ज हवे होते. तक्रारदार तरुण चोरट्यांच्या जाळ्यात सापडला. त्यानंतर तरुणाकडे चोरट्यांनी बतावणी केली. कर्ज मंजुरीसाठी काही पैसे भरावे लागतील, असे सांगून चोरट्यांनी त्याला बँक खात्यात पैसे जमा करण्यास सांगितले. चोरट्यांच्या खात्यात तरुणाने वेळोवेळी १९ लाख ५७ हजार रुपये जमा केले. पैसे जमा केल्यानंतर चोरट्यांनी तरुणाला कर्ज मिळवून दिले नाही. फसवणूक झाल्याचे लक्षात आल्यानंतर तरुणाने नुकतीच पोलिसांकडे तक्रार दिली. वरिष्ठ पोलीस निरीक्षक राहुलकुमार खिलारे तपास करत आहेत.
शेअर बाजारात गुंतवणुकीच्या आमिषाने फसवणूक
शेअर बाजारात गुंतवणुकीच्या आमिषाने सायबर चोरट्यांनी सिंहगड रस्ता भागातील एका महिलेची पाच लाख ३३ हजार रुपयांची फसवणूक केली. महिलेने सिंहगड रस्ता पोलीस ठाण्यात फिर्याद दिली आहे. तक्रारदार महिला सिंहगड रस्त्यावरील नऱ्हे भागात राहायला आहे. सायबर चोरट्यांनी त्यांच्या मोबाइल क्रमांकावर संदेश पाठविला. शेअर बाजाराता गुंतवणूक केल्यास चांगला परतावा मिळेल, असे आमिष चोरट्यांनी महिलेला दाखविले. त्यानंतर चोरट्यांनी महिलेला एका बँक खात्यात पैसे जमा करण्यास सांगितले. पैसे जमा केल्यानंतर चोरट्यांनी महिलेला परतावा, तसेच मूळ मुद्दलही दिली नाही. गुन्हे शाखेचे पोलीस निरीक्षक उल्हास कदम तपास करत आहेत.
