गोखले राज्यशास्त्र संस्थेतील सुरक्षारक्षकाला मारहाण ?

निवृत्त पोलीस अधिकाऱ्याचा सुरक्षारक्षकाशी वाद

marathinews24.com

पुणे – गोखले राज्यशास्त्र आणि अर्थशास्त्र संस्थेच्या आवारात मोटार लावण्यावरुन झालेल्या वादातून निवृत्त पोलीस अधिकाऱ्याने सुरक्षारक्षकाला मारहाण केल्याची चित्रफीत समाज माध्यमातून प्रसारित झाली. सुरक्षारक्षकाने मारहाण केल्याचा दावा केला आहे. या घटनेनंतर निवृत्त पोलीस अधिकाऱ्याने डेक्कन पोलीस ठाण्यात जाऊन तक्रार नोंदविली.

रेकॉर्डवरील गुन्हेगाराकडून पिस्तूलासह काडतूस जप्त – सविस्तर बातमी

निवृत्त पोलीस अधिकारी भानूप्रताप बर्गे हे रविवारी (२ ऑगस्ट) रविवारी सकाळी साडेसातच्या सुमारास गोखले संस्थेच्या आवारात त्यांची मोटार लावण्यासाठी गेले होते. त्या वेळी वाहने लावण्यास जागा उपलब्ध नसल्याचे सुरक्षारक्षकाने त्यांना सांगितले. या कारणावरुन त्यांच्यात वाद झाला. वादातून मारहाणीची घटना घडली. या घटनेचे चित्रीकरण आवारातील सीसीटीव्ही कॅमेऱ्यांनी केले. याबाबतची चित्रफीत समाज माध्यमात प्रसारित झाली.

गोखले संस्थेतील सुरक्षारक्षक सत्यवीर सिंग याने शिवीगाळ करुन धक्काबुक्की, तसेच धमकी दिल्याची तक्रार बर्गे यांनी डेक्कन पोलीस ठाण्यात दिली. त्यांनी दिलेल्या तक्रारीनुसार अदखलपात्र गुन्ह्याची नोंद करण्यात आली आहे. बर्गे यांनी समाज माध्यमात चित्रफीत प्रसारित केली. सुरक्षारक्षकाने गैरवर्तन करुन धक्काबुक्की केल्याचा दावा त्यांनी केला आहे. दरमयान, या प्रकरणात गोखले संस्थेकडून अधिकृत खुुलासा देण्यात आला नाही.