अतिदक्षता विभागात उपचार सुरू; भावजयीसह तिघांविरुद्ध गुन्हा
marathinews24.com
पुणे – कौटुंबिक वादातून भावजयीने नऊ महिन्यांच्या बालकाच्या तोडात फेव्हिक्विक टाकल्याची धक्कादायक घटना उघडकीस आली. फेव्हिक्विक ओतल्याने बालकाच्या तोंडात अंतर्गत जखमा झाल्या असून, त्याच्यावर ससून रुग्णालयात अतिदक्षता विभागात उपचार सुरू आहे. याप्रकरणी लोहगाव पोलिसांनी भावजयीसह तिघांविरुद्ध गुन्हा दाखल केला.
डिजिटल ॲरेस्ट’ची धमकी देऊन ज्येष्ठाची १९ लाखांची फसवणूक – सविस्तर बातमी
अल्ताफ नबी शेख (वय ३९, रा. कलवड वस्ती, लोहगाव) यांनी लोहगाव पोलीस ठाण्यात फिर्याद दिली आहे. त्यांनी दिलेल्या फिर्यादीनुसा, सानिया शेख (रा. कलवड वस्ती, लोहगाव), रियाज इमाम हल्याळ (वय ४८), हाजी मलंग शेख (दोघे रा. मुंबई) यांच्याविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार अल्ताफ शेख आणि त्यांचा भाऊ हे लोहगावमधील कलवड वस्तीत एकत्र राहतात. किरकोळ कारणावरुन कुटुंबात वाद झाले होते. ३१ जुलै रोजी दुपारी बाराच्या सुमारास भावजय सानिया हिने अल्ताफ यांच्या नऊ महिन्यांच्या मुलाच्या तोंडात फेव्हिक्विक ओतले. बालकांच्या तोंडात अंतर्गत जखमा झाल्या. अल्ताफ यांची पत्नी जैनब यांच्या निदर्शनास हा प्रकार आल्यानंतर त्या घाबरल्या. त्यावेळी अल्ताफ कामावर होते. घाबरलेल्या जैनब यांनी त्यांच्या मोबाइलवर संपर्क साधून या घटनेची माहिती दिली. त्यानंतर नऊ महिन्यांच्या बालकाला तातडीने ससून रुग्णालयात दाखल करण्यात आले.
बालकावर ससून रुग्णालयातील अतिदक्षता विभागात उपचार सुरू आहे. जैनब यांनी आरोपी सानियाला जाब विचारला. तेव्हा हा प्रकार कोणाला सांगितला. तर जिवंत सोडणार नाही, अशी धमकी दिली. सानियाचे मुंबईतील नातेवाईक रियाज हल्याळ आणि हाजीमलंग शेख हे रुग्णालयात आले. बालकाची प्रकृती सुधारत आहे. सानियाविरुद्ध पोलीस तक्रार दिल्यास तुला दाखवितो, अशी धमकी दिली, असे जैनब शेख यांनी फिर्यादीत म्हटले आहे. वरिष्ठ पोलीस निरीक्षक मनीषा पाटील यांच्या मार्गदर्शनाखाली पोलीस उपनिरीक्षक पद्मराज गंपले या प्रकरणाचा तपास करत आहेत.
नऊ महिन्यांच्या बालकाच्या तोंडात फेव्हिक्विक ओतल्यानंतर त्याला तातडीने आई-वडिलांनी ससून रूग्णालयात दाखल केले. त्यांनी पोलिसांकडे तक्रार दिल्यानंतर या प्रकरणी गुन्हा दाखल करण्यात आला. बालकावर अतिदक्षता विभागात उपचार सुरू आहेत. बालकाच्या प्रकृतीत सुधारणा होत आहे, असे लोहगाव पोलीस ठाण्याच्या वरिष्ठ पोलीस निरीक्षक मनीषा पाटील यांनी सांगितले.
