मार्केट यार्ड पोलीस ठाण्यात गुन्हा दाखल
marathinews24.com
पुणे – पादचारी ज्येष्ठ महिलेचे अडीच लाख रुपयांची सोनसाखळी दुचाकीस्वार चोरट्यांनी हिसकावून नेल्याची घटना बिबवेवाडी परिसरात घडली. याबाबत एका ज्येष्ठ महिलेेने मार्केट यार्ड पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, दुचाकीस्वार चोरट्यांविरुद्ध गुन्हा दाखल करण्यात आला आहे.
१० लाखांच्या लाचेची मागणी; शिवाजीनगरच्या महिला तलाठीसह कोतवालावर गुन्हा – सविस्तर बातमी
पोलिसांनी दिलेल्या माहितीनुसार, तक्रारदार ज्येष्ठ महिला या मार्केट यार्डमधील प्रेमनगर सोसायटीत राहायला आहेत. मंगळवारी (४ ऑगस्ट) त्या सायंकाळी बिबवेवाडी-मार्केट यार्ड रस्त्याने निघाल्या होत्या. रस्ता ओलांडण्यासाठी त्या कडेला थांबल्या होत्या. त्या वेळी दुचाकीस्वार चोरट्यांनी त्यांच्या गळ्यातील अडीच लाख रुपयांची सोनसाखळी हिसकावून नेली. महिलेने आरडाओरडा केला. चोरटे दुचाकीवरुन पसार झाले. या घटनेची माहिती मिळताच पोलिसांनी घटनास्थळी धाव घेतली. पोलिसांनी मार्केट यार्ड-बिबवेवाडी रस्त्यावरील सीसीटीव्ही चित्रीकरण तपासले असून, पसार झालेल्या चोरट्यांचा माग काढण्यात येत आहे. पोलीस उपनिरीक्षक कांबळे तपास करत आहेत.
