एआयच्या मदतीने तयार केलेल्या बनावट चित्रफितीला बळी पडून ज्येष्ठ महिलेने गमावले ८ लाख रुपये
marathinews24.com
पुणे – केंद्रीय अर्थमत्री निर्मला सीतारामन यांची बनावट चित्रफीत समाज माध्यमात प्रसारित करुन फसवणूक करण्याची आणखी एक घटना उघडकीस आली. सायबर चोरट्यांनी कोथरूड भागातील एका ज्येष्ठ महिलेची ८ लाख रुपयांची फसवणूक केली. याबाबत एका ज्येष्ठ महिलेने कोथरूड पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, सायबर चोरट्यांविरुद्ध गुन्हा दाखल करण्यात आला आहे.
गाेळीबार करुन २२ तोळ्यांचे दागिने लुट; दरोडेखोर उज्जेैनमधून अटकेत – सविस्तर बातमी
केंद्र सरकारच्या योजनेत गुंतवणूक केल्यास चांगला परतावा मिळेल, असे आमिष दाखविणारी चित्रफीत सायबर चोरट्यांनी समाज माध्यमात प्रसारित केली होती. कोथरूड भागातील गुरुगणेशनगर परिसरात राहणाऱ्या एका महिलेने ही चित्रफीत पाहिली. त्यानंतर चित्रफितीतील सायबर चोरट्यांच्या क्रमांकावर संपर्क साधला. तेव्हा सायबर चोरट्यांनी गुंतवणुकीचे आमिष दाखवून त्यांना बँक खात्यात पैसे जमा करण्यास सांगितले. महिलेने चोरट्यांच्या खात्यात ८ लाख रुपये जमा केले. दरम्यान, संबंधित चित्रफीत कृत्रिम बुद्धीमत्तेवर आधारित तंत्रज्ञानाचा (एआय) वापर करुन तयार केल्याचे उघडकीस आले. फसवूणक झाल्याचे लक्षात आल्यानंतर महिलेने नुकतीच पोलिसांकडे तक्रार दिली.
अशा प्रकारे सायबर चाेरट्यांनी शहरातील एका व्यावसायिकाची फसवणूक केल्याची घटना नुकतीच घडली होती. गुन्हे शाखेचे निरीक्षक सुनील कारोटे तपास करत आहेत.
