१२ लाख रूपये आरटीजीएस करायला सांगून फसवणूक
marathinews24.com
पुणे – पोलीस असल्याची बतावणी करीत सायबर चोरट्यांनी जेष्ठ महिलेला आधारकार्डचा गैरवापर झाल्याचे सांगितले. याप्रकरणी डिजीटल अटक करण्याची भीती दाखवून सायबर चोरट्यांनी जेष्ठ महिलेला तब्बल १२ लाख रूपये आरटीजीएस करायला सांगून फसवणूक केली आहे. ही घटना ५ ते ६ ऑगस्टला वानवडीत घडली आहे. याप्रकरणी ७५ वर्षीय महिलेने वानवडी पोलीस ठाण्यात फिर्याद दाखल केली आहे. त्यानुसार मोबाइलधारक बँकखातेधारकाविरूद्ध गुन्हा दाखल आहे.
पुण्यात भाजी विक्रेता, पानटपरी चालकाकडून ३ पिस्तूल जप्त – सविस्तर बातमी
पोलिसांनी दिलेल्या माहितीनुसार, तक्रारदार जेष्ठ महिला वानवडीत राहायला असून, ५ ऑगस्टला सायबर चोरट्यांनी त्यांना फोन केला. पोलीस असल्याची बतावणी करीत, आधारकार्डचा गैरवापर झाल्याचे सांगितले. याप्रकरणी डिजीटल अरेस्ट करण्याचे वॉरन्ट आल्याचे दाखवून महिलेला भीती दाखवली. त्यांना सतत व्हिडिओ कॉल करून बँकखात्यातील १२ लाख रूपये आरटीजीएस करायला भाग पाडले आहेत.याप्रकरणी पोलीस उपनिरीक्षक बगाडे तपास करीत आहेत.
