ज्येष्ठाची केली फसवणूक
marathinews24.com
पुणे – मतदार नोंदणी यादी दुरुस्ती अर्जात (एसआयआर फाॅर्म) त्रुटी राहिल्याची बतावणी करुन सायबर चोरट्यांनी ज्येष्ठ नागरिकाची ४ लाख ९८ हजार रुपयांची फसवणूक केल्याचा प्रकार उघडकीस आला. याप्रकरणी सिंहगड रस्ता पोलिसांनी सायबर चोरट्यांविरुद्ध गुन्हा दाखल केला. याबाबत एकाने सिंहगड रस्ता पोलीस ठाण्यात फिर्याद दिली आहे.
विवाहाच्या आमिषाने अल्पवयीन मुलीला पंजाबमधून पळवून आणले – सविस्तर बातमी
पोलिसांनी दिलेल्या माहितीनुसार, तक्रारदार हे सिंहगड रस्ता परिसरात राहायला आहेत. तक्रारदाराच्या वडिलांच्या मोबाइल क्रमांकावर सायबर चोरट्यांनी संपर्क साधला. निवडणूक आयोगातील कर्मचारी असल्याची बतावणी चोरट्यांनी त्यांच्याकडे केली. चोरट्यांनी मतदार नोंदणी यादी दुरुस्ती अर्जात त्रुटी राहिल्याची बतावणी तक्रारदारांच्या वडिलांकडे केली. त्यानंतर चोरट्यांनी त्यांच्या मोबाइल क्रमांकावर एक एपीके फाईल पाठविली. एपीके फाईल उघडताच चोरट्यांनी मोबाइल क्रमांकाचा तांत्रिक ताबा घेतला. मोबाइल क्रमांक बँक खात्याला जाेडण्यात आला आहे. चोरट्यांनी बँक खात्यातून चार लाख ९८ हजार रुपयांची रोकड काढून घेतली. फसवणूक झाल्याचे लक्षात आल्यानंतर त्यांनी पोलिसांकडे तक्रार दिली. वरिष्ठ पोलीस निरीक्षक विनय पाटणकर तपास करत आहेत.
