राष्ट्रवादी काँग्रेस (शरदचंद्र पवार) पक्षाची उमेदवारी मिळण्याची शक्यता; आज घोषणा
marathinews24.com
पुणे – MLC Election 2026 : पुणे पदवीधर मतदारसंघाच्या निवडणुकीसाठी महाविकास आघाडीकडून राष्ट्रवादी काँग्रेस (शरदचंद्र पवार) पक्षाच्या वतीने हर्षदा देशमुख-जाधव यांच्या नावावर जवळपास शिक्कामोर्तब झाल्याची माहिती सूत्रांनी दिली. उमेदवारीची अधिकृत घोषणा अद्याप झालेली नसली, तरी पक्षांतर्गत चर्चेत त्यांच्या नावावर सहमती झाल्याचे सांगण्यात येत आहे.
शिक्षणातील आर्थिक अडचणींवर शिष्यवृत्ती प्रभावी उपाय- डॉ. नितीन वाघमोडे – सविस्तर बातमी
महाविकास आघाडीतील जागावाटप आणि उमेदवारीबाबतच्या चर्चांना गेल्या काही दिवसांत वेग आला होता. त्यानंतर राष्ट्रवादी काँग्रेस (शरदचंद्र पवार) पक्षाकडून हर्षदा जाधव यांना संधी देण्याचा निर्णय जवळपास निश्चित झाल्याचे समजते. अधिकृत घोषणा झाल्यानंतर मंगळवारी सकाळी महाविकास आघाडीच्या नेत्यांच्या उपस्थितीत आपला निवडणूक अर्ज दाखल करतील.
पदवीधर मतदारांच्या प्रश्नांवर निवडणुकीत विशेष भर राहणार आहे. रोजगाराच्या संधी, शिक्षण, स्पर्धा परीक्षा, कौशल्यविकास, उद्योग क्षेत्रातील संधी तसेच युवकांच्या विविध प्रश्नांवर प्रचारात भूमिका मांडली जाण्याची शक्यता आहे.
पुणे पदवीधर मतदारसंघातील निवडणूक राजकीयदृष्ट्या महत्त्वाची मानली जाते. पुण्यासह परिसरातील मोठ्या संख्येने असलेल्या पदवीधर मतदारांपर्यंत पोहोचण्यासाठी आगामी काळात विविध पक्षांकडून मोर्चेबांधणीला वेग येण्याची शक्यता आहे.
महिलांना राजकीय संधी देण्याच्या धोरणालाही या उमेदवारीच्या पार्श्वभूमीवर महत्त्व प्राप्त झाले आहे. MLC Election 2026 शरद पवार यांनी यापूर्वी महाराष्ट्रात स्थानिक स्वराज्य संस्थांमध्ये महिलांना राजकीय आरक्षण देण्याचा निर्णय घेतला होता. तसेच, संधी मिळाल्यास महिलांनी विविध क्षेत्रांत आपले कर्तृत्व सिद्ध केले असल्याचे त्यांनी नमूद केले आहे. त्यामुळे पक्षाकडून महिला नेतृत्वाला प्राधान्य देण्याच्या भूमिकेचा भाग म्हणून हर्षदा जाधव यांच्या संभाव्य उमेदवारीकडे पाहिले जात आहे.
दोन जाधव एकमेकांशी भिडणार
पुणे पदवीधर मतदारसंघाच्या निवडणुकीत भाजपकडून स्मिता जाधव यांना उमेदवारी मिळाली आहे, तर महाविकास आघाडीकडून हर्षदा जाधव देशमुख यांच्या नावावर जवळपास शिक्कामोर्तब झाल्याची माहिती आहे. दोन्ही उमेदवारांच्या उमेदवारीवर अधिकृत घोषणा झाल्यास ‘दोन जाधव भिडणार’ अशी राजकीय लढत पाहायला मिळणार आहे.
