ट्रक चालकाविरुद्ध हडपसर पोलिसांनी केला गुन्हा दाखल
marathinews24.com
पुणे – भरधाव ट्रकच्या धडकेत दुचाकीस्वाराचा मृत्यू झाल्याची घटना हडपसर-सासवड रस्त्यावरील गोंधळेनगर परिसरात घडली. अपघातात दुचाकीवरील सहप्रवासी मुलगा गंभीर जखमी झाला. याप्रकरणी ट्रक चालकाविरुद्ध हडपसर पोलिसांनी गुन्हा दाखल केला. महादेव शांताराम गिरी (वय ५०,रा. काळेपडळ, हडपसर) असे मृत्युमुखी पडलेल्या दुचाकीस्वाराचे नाव आहे. अपघातात गिरी यांचा मुलगा गंभीर जखमी झाला असून, त्याच्यावर रुग्णालयात उपचार सुरू आहेत. याप्रकरणी ट्रक चालकाविरुद्ध गुन्हा दाखल केला आहे. याबाबत जयश्री महादेव गिरी (वय ४०) यांनी हडपसर पोलीस ठाण्यात फिर्याद दिली आहे.
लक्ष्मी रस्त्यावरील सराफी पेढीतून अंगठी चोरीला – सविस्तर बातमी
पोलिसांनी दिलेल्या माहितीनुसार, दुचाकीस्वार महादेव, त्यांची पत्नी जयश्री आणि मुलगा हे १३ ऑगस्टला रात्री नऊच्या सुमारास हडपसर-सासवड रस्त्याने निघाले होते. हडपसरमधील गोंधळेनगर परिसरात भरधाव ट्रकने दुचाकीला धडक दिली. अपघातात दुचाकीस्वार महादेव, त्यांचा मुलगा गंभीर जखमी झाले. दुचाकीवरुन बाजूला फेकल्या गेल्याने जयश्री यांना दुखापत झाली. अपघातात गंभीर जखमी झालेल्या महादेव, त्यांचा मुलगा, तसेच जयश्री यांना तातडीने खासगी रुग्णालयात दाखल केले. उपचारांपूर्वीच महादेव यांचा मृत्यू झाल्याचे डाॅक्टरांनी सांगितले. पोलीस उपनिरीक्षक सुप्रिया कोलेवाड तपास करत आहेत.
