सात दिवसांत मालकी हक्काचे पुरावे सादर करण्याचे परिवहन कार्यालयाचे आवाहन
marathinews24.com
बारामती – बारामती उपप्रादेशिक परिवहन कार्यालयाच्या वतीने मोटार वाहन कर कायद्यान्वये जप्त करण्यात आलेली तसेच विविध कारणांमुळे कार्यालयाच्या आवारात अटकावून ठेवण्यात आलेली बेवारस वाहने व वाहनांचे सुटे भाग यांचा भंगार म्हणून जाहीर लिलाव करण्यात येणार आहे.
दिवाळी फराळाचे पदार्थ परदेशात पाठविण्यासाठी पोस्ट ऑफिस सज्ज – सविस्तर बातमी
जप्त केलेली वाहने तसेच विविध कारणांमुळे अटकावून ठेवलेली वाहने कार्यालयाच्या परिवहन कार्यालयाच्या आवारात उभी आहेत. या वाहनांमध्ये काही वाहनांची अवस्था खराब झाली असून, ती वापरण्यायोग्य राहिलेली नाहीत. काही वाहनांमधून पेट्रोल व डिझेलची गळती होऊन आग लागण्यासारख्या दुर्घटना घडण्याची शक्यता असल्याने ही वाहने भंगार म्हणून लिलावात काढण्याची प्रक्रिया राबविण्यात येत आहे.
या पार्श्वभूमीवर, संबंधित वाहनांचे मालक, व्यक्ती, संस्था अथवा मालकी हक्क सांगणाऱ्यांनी वाहनांबाबतचे आवश्यक पुरावे व कागदपत्रांसह ७ दिवसांच्या आत लेखी स्वरूपात उपप्रादेशिक परिवहन कार्यालय, बारामती येथे संपर्क साधावा, असे आवाहन उपप्रादेशिक परिवहन अधिकारी सुरेंद्र निकम यांनी केले आहे.
