११ लाखांची ब्राऊन शुगर जप्त
marathinews24.com
पुणे – ब्राऊन शुगरची विक्री करणाऱ्या दाेघांना वाघोली पोलिसांंनी अटक केली. त्यांच्याकडून ११ लाख ३८ हजार ९०० रुपये किंमतीची ब्राऊन शुगर जप्त करण्यात आली. शिव कालू सिंह (वय ३३, सध्या रा.बालाजीनगर, वाघोली, मूळ रा. जोधपूर, राजस्थान), मांगीलाल (रा. आकुर्डी) अशी अटक करण्यात आलेल्यांची नावे आहेत. याबाबत सहायक पाेलीस फाैजदार बाबासाहेब मोराळे यांनी वाघोली पोलीस ठाण्यात फिर्याद दिली आहे.
पिस्तूल बाळगणारे सराईत अटकेत – सविस्तर बातमी
पोलिसांनी दिलेल्या माहितीनुसार, अहिल्यानगर रस्त्यावरील केसनंद येथील एका बसथांब्यावर ३० मे रोजी रात्री नऊच्या सुमारास आरोपी शिवसिंह हा ब्राऊन शुगर विक्रीसाठी आला होता. पोलिसांच्या पथकाला याबाबतची माहिती मिळाली. त्यानंतर पोलिसांनी सापळा लावून त्याला पकडले. त्याची झडती घेण्यात आली. त्याच्याकडून ब्राऊन शुगर जप्त करण्यात आली. चौकशीत त्याने आकुर्डीतील मांगीलाल याच्याकडून ब्राऊनश शुगर आणल्याची माहिती दिली. पोलिसांनी मांगीलाल याला ताब्यात घेतले. अमली पदार्थ प्रतिबंधक कायद्यान्वये दोघांविरुद्ध गुन्हा दाखल करण्यात आला असून, वाघोली पोलीस या प्रकरणाचा तपास करत आहेत.
