चोरट्यांविरुद्ध सिंहगड रस्ता पोलिसांनी गुन्हा दाखल
marathinews24.com
पुणे – ओैषध विक्री दुकानाचे कुलूप तोडून चोरट्यांनी गल्ल्यातील ३५ हजारांची रोकड चोरुन नेल्याची घटना सिंहगड रस्ता भागात घडली. याप्रकरणी चोरट्यांविरुद्ध सिंहगड रस्ता पोलिसांनी गुन्हा दाखल केला. याबाबत ओैषध विक्री दुकानाचे मालक वैभव शिवाजी कडू (देशमुख) (वय २५, रा. सुखसागरनगर, कोंढवा) यांनी सिंहगड रस्ता पोलीस ठाण्यात फिर्याद दिली.
कोथरूड परिसरात तरुणावर शस्त्राने वार – सविस्तर बातमी
पोलिसांनी दिलेल्या माहितीनुसार, कडू यांचे सिंहगड रस्त्यावरील हिंगणे परिसरात ओैषध विक्रीचे दुकान आहे. चोरट्यांनी सोमवारी (४ मे) मध्यरात्री दुकानाचे कुलूप तोडले. दुकानात शिरून गल्ला उचकटला. गल्ल्यातील ३५ हजारांची रोकड चोरुन चोरटे पसार झाले. सोमवारी सकाली दुकानात चोरी झाल्याचा प्रकार उघडकीस आल्यानंतर कडू यांनी पोलिसांकडे तक्रार दिली. पसार झालेल्या चोरट्यांचा शोध घेण्यात येत असून, पोलीस हवालदार मोरे तपास करत आहेत.
